13.03.2026 | 11:56
Ալի Խամենեիի կինը ողջ է. հաղորդվել էր ամուսնու հետ նրա մահվան մասին. Fars
Թրամփի ու Զելենսկիի բանակցությունների վերսկսման համար դուռը բաց է մնում․ԱՄՆ փոխնախագահ
Քաղաքականություն
04.03.2025 | 13:46
Դոնալդ Թրամփի և Վլադիմիր Զելենսկիի համար բանակցությունները վերսկսելու դուռը բաց է մնում, եթե Ուկրաինայի նախագահը պատրաստ է լրջորեն խոսել խաղաղության մասին։ Fox News-ին տված հարցազրույցում այս մասին հայտարարել է ԱՄՆ փոխնախագահ Ջեյ Դի Վենսը, փոխանցում է BBC-ի ռուսական ծառայությունը։
«Նախագահ Թրամփը հստակ և հետևողական ասել է, որ, իհարկե, դուռը բաց է, քանի դեռ Զելենսկին պատրաստ է լրջորեն խոսել խաղաղության մասին։ Դուք չեք կարող մտնել Օվալաձև աշխատասենյակ և հրաժարվել նույնիսկ քննարկել խաղաղության համաձայնագրի մանրամասները։ Երբ նա ցանկություն ունենա խոսել խաղաղության մասին, կարծում եմ՝ նախագահ Թրամփն առաջինը կլինի, որը կվերցնի հեռախոսը»,- ասել է Վենսը։
Նա նաև մեկնաբանել է Սպիտակ տանը տեղի ունեցած վիճաբանությունը, որի մասնակիցն է եղել նաև ինքը։Ըստ Վենսի՝ Դոնալդ Թրամփն Օվալաձև աշխատասենյակում հանդիպման սկզբում «փորձում էր դիվանագիտորեն խոսել» և ցանկանում էր «մի փոքր թեթևացնել տրամադրությունը», երբ նախագահների միջև խոսակցությունն անցել է բարձր տոնայնության։
«Նա [Զելենսկին] ցույց տվեց, որ ակհայտ ցանկություն չունի մասնակցել խաղաղության գործընթացին։ Մենք պետք է գանք խաղաղ կարգավորման։ Նախագահ Թրամփը փորձում է և կշարունակի դա անել»,- ասել է ԱՄՆ փոխնախագահը։
Թարգմանությունը՝ Էմմա Չոբանյանի
