08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ուկրաինան առանց ԱՄՆ-ի օգնության կարող է կռվել մինչև ամառ․ CNN
Քաղաքականություն
04.03.2025 | 13:58
Ուկրաինայի զինված ուժերը ներկա տեմպերով մարտերը կկարողանան շարունակել «մի քանի շաբաթ, հնարավոր է՝ մինչև ամռան սկիզբ»։ Այս մասին հայտնում է CNN-ը՝ վկայակոչելով արևմտյան պաշտոնյաներին, զենքի մատակարարումը դադարեցնելու ԱՄՆ-ի որոշումից հետո:
Լրատվամիջոցը գրում է, որ ԱՄՆ նախկին նախագահ Ջո Բայդենը պաշտոնավարման վերջին ամիսներին ուժեղացրել էր զենքի մատակարարումներն Ուկրաինային՝ ապահովելով երկիրը ժամանակակից զենքի մեծ պաշարներով: Հենց այդ բարդ զենքերը, ներառյալ՝ հեռահար ATACMS հրթիռները, թույլ են տվել Ուկրաինային հարվածներ հասցնել Ռուսաստանի տարածքի խորքերը, ռազմավարություն, որը կարող է տուժել, եթե այդ զենքերի մատակարարումը չշարունակվի։
Լրատվամիջոցը նշում է, որ թեև եվրոպական երկրները կարող են փոխարինել ԱՄՆ-ի հրետանու մատակարարումներին՝ համալրված Ուկրաինայի սեփական աճող պաշտպանական արդյունաբերությամբ, Կիևի կողմից օգտագործվող ամենաառաջադեմ զենքերը գալիս էին Միացյալ Նահանգներից:
Ըստ CNN-ի աղբյուրների՝ Ուկրաինային զենքի վաճառքը դադարեցնելու՝ Թրամփի որոշումը ուղղակի պատասխան է Ուկրաինայի նախագահ Վլադիմիր Զելենսկիի «վատ պահվածքին», որը փետրվարի 28-ին Օվալաձև աշխատասենյակում թեժ վեճի էր բռնվել ԱՄՆ նախագահի հետ։ Մի քանի պաշտոնյաներ ասել են, որ Թրամփն ու նրա գլխավոր օգնականները Զելենսկիից հրապարակային ներողություն են պահանջում։
Թարգմանությունը՝ Էմմա Չոբանյանի
