Կանադայի և Մեքսիկայի ապրանքների համար ԱՄՆ-ի մաքսատուրքերն այսօրվանից ուժ մեջ են մտնում

ԱՄՆ նախագահ Դոնալդ Թրամփը հայտարարել է, որ Մեքսիկայից և Կանադայից ապրանքների 25% մաքսատուրքերն ուժի մեջ կմտնեն մարտի 4-ին, ինչը մեծացնում է Հյուսիսային Ամերիկայում, այսպես կոչված, առևտրային պատերազմի մտավախությունները, գրում է VOA-ն։

«Ստիպված են լինելու մաքսատուրք վճարել։ Այսպիսով, նրանք ստիպված կլինեն կառուցել իրենց ավտոգործարանները, այլ գործարաններ Միացյալ Նահանգներում, այդ դեպքում մաքսատուրքեր չեն լինի»,- ասել է Թրամփը՝ ելույթ ունենալով Սպիտակ տանը:

Նա հավելել է, որ «տեղ չի մնացել» գործարքի համար, որը կարող է օգնել խուսափել մաքսատուրքերից՝ «ֆենտանիլի հոսքը ԱՄՆ նվազեցնելու դիմաց»։

Ապրիլի 2-ից ուժի մեջ կմտնեն նաև «փոխադարձ» մաքսատուրքերն այն երկրների համար, որոնք մաքսատուրքեր են սահմանում ամերիկյան ապրանքների վրա։ Թրամփը հաստատել է, որ կբարձրացնի բոլոր չինական ապրանքների համար մաքսատուրքերը 10-ից մինչև 20% այն բանից հետո։ ԱՄՆ նախագահը դա բացատրել է նրանով, որ Չինաստանը «բավարար քայլեր չի ձեռնարկել թմրանյութերի անօրինական ճգնաժամը մեղմելու համար»։

Թրամփի վարչակազմը հաստատել է, որ Կանադայից և Մեքսիկայից ներմուծման համար կգործեն 25% մաքսատուրքեր, իսկ կանադական էներգետիկ հատվածի համար՝ 10%։

Կանադայի արտաքին գործերի նախարար Մելանի Ջոլին լրագրողներին ասել է, որ Օտտավան պատրաստ է պատասխանել:

«Օվալաձև գրասենյակից դուրս է գալիս անկանխատեսելիության և քաոսի որոշակի մակարդակ, և մենք դրանով կզբաղվենք»,- հայտարարել է  նա։

Մեքսիկայի նախագահ Կլաուդիա Շեյնբաումն էլ նախօրեին, նախքան Թրամփի ելույթը, ասել է, որ Մեքսիկան կպատասխանի, եթե մաքսատուրքեր սահմանվեն:

Թարգմանությունը՝ Էմմա Չոբանյանի