14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ՏՄՊՊՀ նախագահը Թբիլիսիում ներկայացրել է ՀՀ-ում մրցակցության զարգացման ոլորտում կատարված քայլերը
Տնտեսություն
28.09.2018 | 22:16
Վրաստանի մայրաքաղաք Թբիլիսիում այսօր՝ սեպտեմբերի 28-ին, մեկնարկել է մրցակցության միջազգային համաժողովը, որին մասնակցում են աշխարհի տասնյակ երկրներից ժամանած մրցակցային մարմինների ղեկավարներ, տնտեսական մրցակցության ոլորտի միջազգային փորձագետներ և այլ պաշտոնյաներ: Այս մասին հայտնում են ՏՄՊՊՀ-ից:
Հաղորդվում է, որ Թբիլիսի է մեկնել նաև ՏՄՊՊՀ նախագահ Արտակ Շաբոյանը: ՀՀ մրցակցային մարմնի ղեկավարն իր ելույթում ընդգծել է նման միջոցառումների կարևորությունը՝ նշելով որ այն բացառիկ հարթակ է՝ աշխարհի տասնյակ երկրների տնտեսական մրցակցության ոլորտի պատասխանատուների հանդիպման, համատեղ հետաքրքրություն ներկայացնող հարցերի քննարկման, ինչպես նաեւ ոլորտում առկա մարտահրավերների շուրջ բանավեճի համար:
«ՀՀ-ում մրցակցության զարգացման միտումներն ու հիմնախնդիրները» թեմայով ելույթի ընթացքում Արտակ Շաբոյանը գործընկերներին է ներկայացրել ՀՀ-ում վերջին տարիներին մրցակցության զարգացման ոլորտում կատարված քայլերը՝ ներկայացնելով օրենսդրական բարեփոխումներից մինչև տնտեսվարողների համար առավել բարենպաստ և առանց մուտքի խոչընդոտների մրցակցային պայմանների ստեղծմանն ուղղված տեսանելի աշխատանքները:
Գործընկեր կառույցների ղեկավարները գոհունակությամբ են խոսել ՀՀ մրցակցային մարմնի կատարած աշխատանքների մասին և ընդգծել, որ առավել տպավորիչ են մի շարք ոլորտներում, հատկապես շուկա մուտքի խոչընդոտների վերացման, անբարեխիղճ մրցակցության և հակամրցակցային գործողությունների կանխարգելման ուղղությամբ իրականացված քայլերը, որոնք էապես կարող են դրական փորձ լինել՝ մի շարք երկրների համար:
