30.04.2026 | 11:46
ՀՀ-ն մամուլի ազատության ինդեքսում նահանջել է, սակայն մնում է տարածաշրջանում առաջատարը. հրապարակվել է RSF-ի զեկույցը
Զելենսկին հայտարարել է, որ Ուկրաինան պատրաստ է ԱՄՆ-ի հետ ստորագրել օգտակար հանածոների գործարքը
Քաղաքականություն
03.03.2025 | 12:34
Ուկրաինայի նախագահ Վլադիմիր Զելենսկին բրիտանական լրատվամիջոցների հետ զրույցում հայտարարել է, որ Կիևը պատրաստ է համաձայնագիր ստորագրել ԱՄՆ-ի հետ օգտակար հանածոների վերաբերյալ, գրում է France 24-ը։
«Համաձայնագիրը, որը դրված է սեղանին, կստորագրվի, եթե կողմերը պատրաստ լինեն»,- ասել է նա Լոնդոնում կայացած գագաթնաժողովից հետո:
Գործարքը, որը պետք է քայլ լիներ Ուկրաինայում հակամարտությունը դադարեցնելուն օգնելու համար, ձախողվեց ուրբաթ ԱՄՆ նախագահ Դոնալդ Թրամփի հետ Օվալաձև աշխատասենյակում Զելենսկիի թեժ բանավեճից հետո:
«Մեր քաղաքականությունն է՝ շարունակել այն, ինչ եղել է անցյալում, մենք կառուցողական ենք։ Եթե մենք համաձայնել ենք ստորագրել օգտակար հանածոների մասին համաձայնագիր, մենք պատրաստ ենք ստորագրել այն»,- ասել է Զելենսկին։
Նրա խոսքով՝ Ուկրաինան իր անվտանգության լավագույն երաշխիքն է համարում ուժեղ ուկրաինական բանակը։ Ուկրաինայի նախագահն ասել է՝ կարևոր է, որ եվրոպացի դաշնակիցները չվերանայեն Ռուսաստանի դերը՝ որպես ագրեսոր երկիր, և կրկին բարձրացրել է ռուսական սառեցված ակտիվների օգտագործման հարցը՝ օգնելու երկրի վերականգնմանը:
Թարգմանությունը՝ Էմմա Չոբանյանի
