07.09.2026 | 21:14
Հոբարձիում հյուրատան մոտ փոխհրաձգություն է եղել․ ոստիկանները բացահայտել են սպանության փորձի դեպքը. ՆԳՆ
ԵՄ-ին ՀՀ անդամակցության օրինագծի քննարկումը ԱԺ եվրաինտեգրման հարցերի հանձնաժողովում. ՈՒՂԻՂ
Քաղաքականություն
03.03.2025 | 10:13
ԱԺ Եվրոպական ինտեգրման հարցերի մշտական հանձնաժողովն արտահերթ նիստում քննարկում է «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծի երկրորդ ընթերցմամբ քննարկումը։ Նիստին ներկա է ԱԳ փոխնախարար Պարույր Հովհաննիսյանը։
Հիշեցնենք, որ Ազգային ժողովը փետրվարի 12-ի նիստում առաջին ընթերցմամբ ընդունեց «Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը։
Ավելի վաղ «Պատիվ ունեմ» խմբակցության ղեկավար Հայկ Մամիջանյանը հայտարարել էր, որ իրենք դեմ են քվեարկելու նախագծին, իսկ «Հայաստան» խմբակցության ղեկավար Սեյրան Օհանյանը հայտնել էր, որ խմբակցությունը չի մասնակցելու քվեարկությանը։ «Քաղաքացիական պայմանագիր» խմբակցության ղեկավար Հայկ Կոնջորյանն ասել էր, որ իրենց խմբակցությունը կողմ է քվեարկելու օրինագծին։
Նախագիծը ներկայացրել է «Եվրաքվե» քաղաքացիական նախաձեռնությունը՝ սահմանված ժամկետում հավաքելով ԱԺ-ին օրենսդրական նախաձեռնություն ներկայացնելու համար անհրաժեշտ ստորագրությունները։ Հունվարի 9-ին նախագիծը քննարկվել և հավանության էր արժանացել ՀՀ կառավարության նիստում, որից հետո ուղարկվել խորհրդարանի քննարկմանը։
Մանրամասները՝ տեսանյութում։
