03.04.2025 | 10:27
Մերսման դիմաց վճարել էին հուշանվեր-թղթադրամներով․ ՆԳՆ -ի բացահայտումը
Պապոյանն իր ընդդիմախոսներին համեմատել է շների հետ, ապա գրառումը հեռացրել
Քաղաքականություն
28.02.2025 | 23:21
Էկոնոմիկայի նախարար Գևորգ Պապոյանը, կիսվելով Լիդիան Արմենիայի գործարկման հետ կապված ԱՄՆ դեսպանատան հայտարարությամբ, քիչ առաջ հետևյալ գրառումն էր արել.
«Մինչ ոմանք ոռնում են տնտեսական հաջողություններից, հերթական խոշորագույն ներդրումային ծրագիրը շուտով կմեկնարկի։ Շունը հաչում է, քարավանը` գնում»:
Այս հայտարարությունց հետո բնապահպան Օլեգ Դուլգարյանը հրապարակավ հարց էր ուղղել, թե կոնկրետ ում է նկատի ունեցել Պապոյանը՝ «հաչող շուն» ասելով․
«Տեսնես` ովքեր են նախարարի պատկերացմամբ հաչող շները, այն երկրի, որը իրեն նախարար է նշանակել»: Բնապահպան Թեհմինե Ենոքյանն էլ հիշեցրել էր. «Հարկ տալուց քաղաքացի ենք, բողոքելուց՝ հաչան շուն»:
Արձագանքելով դժգոհություններին՝ Պապոյանը մեկնաբանություններում փորձել էր արդարանալ․
«Հարգելի և սիրելի քաղաքացիներ, ասացվածքը վերաբերում է որոշ նախկին պաշտոնյաների»:
Րոպեներ առաջ Պապոյանը հեռացրել է իր գրառումը՝ հավանաբար, հասկանալով, որ չի կարելի վիրավորել ՀՀ հպարտ քաղաքացիներին, որոնց իր վերադասը սիրում է։
Հ. Գ. Այնուհանդերձ՝ եթե պաշտոնական էջից իր ընդդիմախոսներին շների հետ համեմատությունը Պապոյանը հեռացրել է, ապա իր անձնական էջում կրկին մեջբերել է «շունը հաչում է, քարավանը՝ գնում», ըստ երևույթին, իր սիրելի ասացվածքը, թեև՝ այս անգամ այլ առիթով։
Արփի Հակոբյան
