08.10.2026 | 17:52
Եվրախորհրդարանը կոչ է անում պատժամիջոցներ սահմանել Իրանում, Վրաստանում և Ադրբեջանում բռնաճնշումների պատասխանատուների նկատմամբ
Պայթյուն Երևանի ավտոտեխսպասարկման կետերից մեկում. կա տուժած
28.02.2025 | 21:52
Փետրվարի 28-ին` ժամը 16։55-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նորագավիթ 1-ին փողոցի ավտոտեխսպասարկման կետում ավտոմեքենայի գազի բալոն է պայթել․ կա տուժած։
ՆԳՆ Փրկարար ծառայությունից տեղեկացնում են, որ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Նորագավիթ 1-ին փողոցում գտնվող ավտոտեխսպասարկման կետում «Mitsubishi» մակնիշի ավտոմեքենայում տեղի է ունեցել գազի կուտակում՝ պայթյունով:
Մինչ փրկարարների կանչի վայր հասնելը՝ վարորդը տեղափոխվել է բժշկական կենտրոն։
Վնասվել են կայանած երկու «BMW» մակնիշի ավտոմեքենաների դիմային, կողային ապակիները և ավտոտեխսպասարկման կետի ապակիները:
Փրկարարները հոսանքազրկել են «Mitsubishi» մակնիշի ավտոմեքենան:
