24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Ուկրաինական ուժերը կասեցրել են ռուսական ճեղքումը Սումիի շրջանում, սակայն հակառակորդը շարունակում է գրոհները. Ուկրաինայի ԳՇ
Քաղաքականություն
28.02.2025 | 22:06
Փետրվարի 25-ին ռուսական զորքերը ներխուժել են Սումիի շրջանի սահմանի մի հատված և մտել ուկրաինական տարածք։ Այս մասին Ուկրաինայի Գլխավոր շտաբի խոսնակ մայոր Դմիտրի Լիխովին ասել է «Ուկրաինական պրավդա»-ին։
«Ռուսաստանի հետ սահմանի մոտ գտնվող Սումիի շրջանի Նովենկոյե բնակավայրի տարածքում ստեղծված իրավիճակի մասին․ փետրվարի 25-ին հակառակորդը մինչև երկու մեխանիզմացված ուժերով ներխուժել է սահմանի այս հատված, հատել Ուկրաինայի պետական սահմանը, սակայն արգելափակվել և հետ են շպրտվել Ռուսաստանի Դաշնության տարածք»,- ասել է նա։
Պաշտոնյան նշել է, որ հետագայում ռուսական զորքերը շարունակել են հարձակման փորձերը՝ այժմ օգտագործելով հետևակային խմբերը։ Միաժամանակ, ուկրաինական պաշտպանական ուժերը միջոցներ են ձեռնարկում հակառակորդի կողմից ուկրաինական նյութատեխնիկական մատակարարումը կանխումը։ Հաղորդվում է, որ տարածքում մարտերը շարունակվում են։
Deep State Project քարտեզը ցույց է տալիս, որ այս տարածքը «գորշ գոտում» է։
Թարգմանությունը՝ Էմմա Չոբանյանի
