08.10.2026 | 19:13
ԱՄՆ-ը «երբեք թույլ չէր տա» Հունաստան-Թուրքիա հակամարտություն․ Ռուբիոն նշել է F-35-ների Անկարային փոխանցման պայմանը
Մոսկվան ակնկալում է, որ ՀԱՊԿ բոլոր երկրների առաջնորդները ներկա կլինեն Հաղթանակի շքերթին․ ՌԴ ԱԳՆ
28.02.2025 | 18:09
Ռուսաստանն ակնկալում է, որ Հավաքական անվտանգության պայմանագրի կազմակերպության (ՀԱՊԿ) անդամ բոլոր երկրների ղեկավարները կմասնակցեն մայիսի 9-ին Մոսկվայում կայանալիք Հաղթանակի շքերթին։ Այս մասին հայտարարել է ՌԴ ԱԳՆ ԱՊՀ երկրների առաջին դեպարտանետի տնօրեն Միքայել Աղասանդյանը։
Նա նշել է, որ կազմակերպության երկրների զինվորականները երթով անցնելու են Կարմիր հրապարակով։
«Մենք ակնկալում ենք, որ ՌԴ նախագահ Վլադիմիր Պուտինի հրավերով ՀԱՊԿ երկրների բոլոր ղեկավարները, ինչպես նաև ազգային ռազմական կոնտինգենտները կմասնակցեն մայիսի 9-ին Կարմիր հրապարակում կայանալիք Հաղթանակի շքերթին»,- ասել է դիվանագետը «Союзники.ОДКБ»-ին։
ՀԱՊԿ-ի կազմում ընդգրկված են Հայաստանը, Ռուսաստանը, Բելառուսը, Ղազախստանը, Ղրղզստանը և Տաջիկստանը։ ՀՀ-ն սառեցրել իր անդամությունը կազմակերպությանը։
Ավելի վաղ ՀՀ-ում ՌԴ դեսպան Սերգեյ Կոպիրկինը հայտնել էր, որ Մոսկվայում Հաղթանակի օրվա միջոցառումներին մասնակցելու պաշտոնական հրավեր է փոխանցվել ՀՀ վարչապետ Նիկոլ Փաշինյանին։
Թարգմանությունը՝ Էմմա Չոբանյանի
