2024-ին ՏՏ ոլորտի շրջանառությունը կազմել է 915 միլիարդ դրամ,  իսկ ԲՏ-ի ներառմամբ՝ գերազանցել է 1 տրիլիոն 150 միլիարդ դրամը․ Մխիթար Հայրապետյան

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

ՀՀ բարձր տեխնոլոգիական արդյունաբերության նախարար Մխիթար Հայրապետյանը փետրվարի 27-ին «Ալեքսանդր» հյուրանոցում ներկա է գտնվել և ողջույնի խոսքով հանդես եկել Formula VC II ֆոնդի պաշտոնական մեկնարկի միջոցառմանը, որի նպատակն է համախմբել Հայաստանի տեխնոլոգիական համայնքի առաջատարներին, ներդրողներին և ստարտափների հիմնադիրներին՝ նշելու նոր ֆոնդի մեկնարկը և քննարկելու Հայաստանի ինովացիոն ապագան․ տեղեկացնում են գերատեսչությունից։

Մխիթար Հայրապետյանը շնորհավորել է Formula VC II ֆոնդի մեկնարկի կապակցությամբ և ընդգծել դրա կարևորությունը Հայաստանի տեխնոլոգիական էկոհամակարգի զարգացման համար: Նախարարի խոսքով՝ Formula VC II ֆոնդի մեկնարկը ոչ միայն մեծ հնարավորություն է մեր ստարտափների համար, այլև ազդակ՝ միջազգային ներդրողների համար՝ Հայաստանում տեսնելու նորարարության և զարգացման մեծ ներուժը։

Ներկայացնելով ՊԵԿ-ի կողմից տրամադրված ցուցանիշները՝ նախարար Հայրապետյանը նշել է՝ 2024-ին միայն ՏՏ ոլորտի շրջանառությունը կազմել է 915 միլիարդ դրամ, իսկ բարձր տեխնոլոգիական ոլորտի արտադրության որոշ ուղղությունների ներառմամբ՝ այն գերազանցել է 1 տրիլիոն 150 միլիարդ դրամը։ Այս շարունակական աճը ցույց է տալիս, որ Հայաստանն արդեն ձևավորել է մրցունակ տեխնոլոգիական միջավայր, որը շարունակաբար զարգանում է՝ ներգրավելով նոր գաղափարներ, տաղանդներ և ներդրումներ։

«Պետական և մասնավոր հատվածների ներդրումները ոլորտում բերել են շոշափելի հաջողություններ։ Այսօր տնտեսության տեխնոլոգիական բաղադրիչը կազմում է ՀՆԱ-ի մոտ 7-8 տոկոսը, սակայն մենք վստահ ենք, որ առկա կարողությունները թույլ են տալիս առաջիկա տարիներին կրկնապատկել այս ցուցանիշը։ Հենց այս նպատակով կառավարությունը նախատեսում է ապագայում բազմապատկել ներդրումային ծրագրերը, որոնք ուղղված են տեխնոլոգիական ոլորտի երկարաժամկետ զարգացմանը»,- նշել է նախարարը հավելելով՝ վենչուրային հարթակները առանցքային դեր են խաղում այս գործընթացում։ Դրանք ոչ միայն ֆինանսական ռեսուրսներ են ապահովում, այլև աջակցում են ստարտափներին՝ դուրս գալու միջազգային շուկաներ, արագ աճելու և մրցունակ դառնալու։

Նախարարը հաջողություններ է մաղթել ֆոնդի գործունեությանը և ընդգծել՝ ՀՀ կառավարությունը կանգնած է տեխնոլոգիական համայնքի կողքին, որովհետև տնտեսության շարժիչ ուժը հենց այստեղ է:

FORMULA VC-ի նոր՝ FORMULA VC II ֆոնդը Հայաստանի առաջատար վենչուրային ֆոնդերից է, որի շրջանակում նախատեսվում է իրականացնել 30 միլիոն դոլարի ներդրում 35-40 տեխնոլոգիական ստարտափում՝ խթանելով նրանց արագ աճը, որն էլ իր հերթին կնպաստի Հայաստանի՝ որպես տեխնոլոգիական կենտրոնի զարգացմանը։ Formula VC II ֆոնդն իր շուրջն է համախմբել ներդրողների և խորհրդատուների աշխարհի ավելի քան 20 երկրից՝ ստեղծելով միջազգային հարթակ հայկական ստարտափների համար՝ անկախ նրանց գտնվելու վայրից։

Միջոցառմանը տեղի է ունեցել նաև պանելային քննարկում ստարտափների հիմնադիրների հետ, որոնք կիսվել են իրենց հաջողության պատմություններով ու խոսել մարտահրավերներից:

Formula VC-ն իր գործունեությունը սկսել է 2021 թվականին։ Formula VC I ֆոնդի ներդրումներով արդեն 22 հայկական ծագմամբ ընկերություն համաշխարհային հաջողությունների են հասել՝ ներառյալ կիբեռանվտանգության, արհեստական բանականության, քվանտային տեխնոլոգիաների և այլ ոլորտներում։