13.03.2026 | 14:57
ԱՄՆ-ը զգուշացնում է իր քաղաքացիներին՝ վերանայել Ադրբեջան ուղևորության ծրագրերը
ՀՀ Սահմանադրությունը տարածքային պահանջներ է պարունակում․ Բայրամովը՝ Սաուդյան Արաբիայի ԱԳՆ նախարարին
Քաղաքականություն
26.02.2025 | 18:10
Ադրբեջանի ԱԳ նախարար Ջեյհուն Բայրամովը Սաուդյան Արաբիա կատարած պաշտոնական այցի շրջանակում հանդիպել է այդ երկրի արտաքին գործերի նախարար, արքայազն Ֆեյսալ բին Ֆարհան Ալ-Սաուդին։ Ադրբեջանական կողմի փոխանցմամբ՝ նախարարները նախ հանդիպել են առանձին, ապա քննարկումները շարունակել ընդլայնված կազմով՝ երկու կողմերի պատվիրակությունների մասնակցությամբ։
Հանդիպմանը քննարկվել են Ադրբեջանի և Սաուդյան Արաբիայի երկկողմ և բազմակողմ հարաբերությունների օրակարգի հարցերը, տարածաշրջանային և միջազգային կազմակերպություններում համագործակցությունը, ինչպես նաև փոխադարձ հետաքրքրություն ներկայացնող տարածաշրջանային և միջազգային հարցեր, ինչպես նաև իրավիճակը Մերձավոր Արևելքում:
Բայրամովը խոսել է նաև Հայաստանի հետ հարաբերությունների կարգավորման գործընթացից։
«Նախարար Ջեյհուն Բայրամովը մանրամասն տեղեկատվություն է ներկայացրել տարածաշրջանում տիրող հետհակամարտային իրավիճակի, ադրբեջանա-հայկական հարաբերությունների կարգավորման գործընթացի ներկա վիճակի, առկա մարտահրավերների, այդ թվում՝ Հայաստանի Սահմանադրությունում ամրագրված տարածքային շարունակվող պահանջների մասին»,- ասվում է հայտարարության մեջ։
Բայրամովն իր գործընկերոջը տեղեկացրել է նաև ԼՂ-ում իրականացվող «վերականգնման և շինարարական աշխատանքների, ինչպես նաև ականների սպառնալիքի դեմ պայքարի միջոցառումների մասին»։ Նա շնորհակալություն է հայտնել Սաուդյան Արաբիային ականազերծման աշխատանքներին ցուցաբերած աջակցության համար։
Թարգմանությունը՝ Էմմա Չոբանյանի
