Ալիևը հասկանում է, որ ինքը՝ որպես լիդեր, զիջում է Փաշինյանին․ Ռուբեն Սաֆրաստյան․ ՏԵՍԱՆՅՈՒԹ

Մենք սկսում ենք հումանիտար մարդասիրական գործողություններ իրականացնել Սիրիայում, և Կառավարության այս որոշումը դուրս է Հայաստանի ավանդական քաղաքականությունից, որը հիմնակում հաջողված էր, սակայն այս որոշմամբ ՀՀ-ն ակտիվ քայլ է կատարում այն տարածաշրջանում, որտեղ կա հայկական համայնք, և սա կնպաստի, որ ձևավորվի ՀՀ-ի նոր կերպարը, որը, փաստորեն, առավել ակտիվ է սկսել վարել իր արտաքին քաղաքականությունը։ Այսօր հրավիրված մամուլի ասուլիսի ժամանակ նման տեսակետ հայտնեց արևելագետ Ռուբեն Սաֆրաստյանը՝ անդրադառնալով ՀՀ արտաքին քաղաքականությանը թավշյա հեղափոխությունից հետո։

Վերջինս շեշտադրեց՝ արժեքային և գաղափարների վրա հիմնված հեղափոխությունը, փաստորեն, վերաձևակերպվում է նաև արտաքին քաղաքականության մեջ։ «Մենք կսկսենք վարել այնպիսի քաղաքականություն, որը հիմնված կլինի ոչ թե կոմպլեմենտարիզմի, այլ մեր ինքնության վրա։ Հայաստանը սկսում է գնալով ավելի հասկանալի դառնալ աշխարհի համար,  և մի շարք երկրների ղեկավարներ, հանդիպելով վարչապետ Նիկոլ Փաշինյանի հետ, սկսեցին ավելի խորքային հասկանալ այն, ինչ տեղի է ունեցել Հայաստանում»,- ասաց նա։

Խոսելով Արցախի հարցի վերաբերյալ հետագա զարգացումների և Փաշինյան-Ալիև հանդիպման մասին՝ Ռուբեն Սաֆրաստյանը նկատեց, որ Ալիևը հասկանում է, որ ինքը՝ որպես լիդեր, զիջում է Փաշինյանին, քանի որ ներկայացնում է արդեն մոռացված մի ավտորիտար համակարգ, իսկ Փաշինյանը՝ այնպիսի համակարգ, որը գնում է դեպի ապագան։ «Հետևաբար Ալիևը պետք է բանակցի մի մարդու հետ, ով ի սկզբանե ունի առավելություն՝ այդ թվում և միջնորդների համար»,- ասաց արևելագետը։

Մանրամասները՝ տեսանյութում։