05.09.2026 | 13:11
Փաշինյանը հեռացավ Սիմոնյանի ուղեկցությամբ. հարցերի չպատասխանեց․ ՏԵՍԱՆՅՈւԹ
Թիվ 5 երթուղու ավտոբուսները ևս 10 օր կաշխատեն, եթե խնդիրը չկարգավորվի, կրկին գործադուլ կանեն
Հասարակություն
28.09.2018 | 15:00
Երևանում Ջրվեժից Կիլիկիա ավտոկայան շարժվող թիվ 5 ավտոբուսային երթուղու վարորդները, որոնք նախօրեին Երևանի քաղաքապետարանի դիմաց բողոքի ակցիա էին իրականացնում, իսկ մինչ այդ հրաժարվում էին սպասարկել երթուղին, առաջիկա տասն օրերին կշարունակեն աշխատել: Այս մասին Factor.am-ին տեղեկացրին երթուղին սպասարկող ավտոբուսների վարորդները:
Նրանց խոսքով՝ իրենց բողոքի պատճառը 203 համարի «Էջմիածին-Երևան-Էջմիածին» երթուղու երկարացումն է: Այս տարիներին Էջմիածնից Երևան եկող երթուղայինների կայանման վերջնակետը եղել է Կիլիկիա ավտոկայանը, մինչդեռ վերջերս երթուղին երկարացվել է, ինչի արդյունքում թիվ 5 ավտոբուսի ուղևորների թիվը նվազել է:
Վարորդները որոշել են աշխատել առաջիկա տասն օրերին, քանի որ իրենց խոստացել են՝ խնդիրը կկարգավորվի և Էջմիածնից Երևան եկող միկրոավտոբուսները նախկինի պես կկայանեն Կիլիկիա ավտոկայանի տարածքում: Նրանք նաև ասացին, որ եթե այդ ընթացքում էլ խնդիրը չկարգավորվի, կրկին գործադուլի դուրս կգան:
Լիլիթ Շաբոյան
