17.07.2026 | 20:09
Խմարան և Սիբիհան՝ Ուկրաինայի պաշտպանության և արտաքին գործերի նախարարների պաշտոնակատար
Ուկրաինան այսուհետ ևս կպայքարի իր անկախության համար, բայց առանց օգնության չենք կարողանա․ Անժելա Սլոբոդյան․ ՏԵՍԱՆՅՈՒԹ
Քաղաքականություն
26.02.2025 | 19:30
«Ոչ ոք մինչև վերջին պահը չէր հավատում, որ պատերազմը հնարավոր է»,- Factor TV-ի հետ զրույցում ասում է լրագրող, «Нашествие» («Ներխուժում»-2023) ֆիլմի հեղինակ Անժելա Սլոբոդյանը։
Նրա ֆիլմի ցուցադրությունը փետրվարի 24-ին էր՝ ուկրաինական պատերազմի երրորդ տարելիցի կապակցությամբ, Երևանում՝ Կինոյի տանը։ Անժելան ռուսական բանակի կողմի օկուպացված Խերսոնում ապրել է մինչև հուլիս, մեկ ամիս ռուսական գերության մեջ է եղել։ Նրա խոսքով՝ օկուպացիայի սկզբում ռուսական բանակը դաժան էր վարվում, այնուհետև նոր հրահանգներ է ստացել։ Ուկրաինացի լրագրողի խոսքով՝ նրանք նաև ցնցված էին, որ ռուսախոս Խերսոնում ոչ ոք իրենց չէր սպասում, մարդիկ դուրս էին գալիս ռուսական օկուպացիայի դեմ ցույցերի։
Անդրադառնալով Ուկրաինային քաղաքական աջակցության և ԱՄՆ քաղաքականությունում փոփոխություններին՝ լրագրողը նշում է, որ Ուկրաինան այսուհետ ևս կպայքարի իր անկախության համար, սակայն առանց եվրոպական օգնության անհնար կլինի։
«Ուկրաինան Եվրոպայի վրա է խաղադրույք արել»,- նշում է Սլոբոդյանը։
Հարցազրույցն ամբողջությամբ՝ տեսանյութում։
Սամվել Մելիքսեթյան
