Քաղաքականություն
25.02.2025 | 17:48
Կովկասում տեղի ունեցող իրադարձությունները հետաքրքրում են Իրանին և Ռուսաստանին, բանակցությունները շարունակվում են։ Այս մասին հայտարարել է Իրանի ԱԳ նախարար Աբբաս Արաղչին Ռուսաստանի ԱԳ նախարար Սերգեյ Լավրովի հետ Թեհրանում այսօր կայացած բանակցություններից հետո հրավիրված համատեղ ասուլիսում, գրում է իրանական Mehr գործակալությունը։
«Մեր խորհրդակցությունները Ռուսաստանի Դաշնության հետ շարունակվում են բոլոր ոլորտներում։ Մենք խորհրդակցում ենք Արևմտյան Ասիայի տարածաշրջանի, Կովկասի և միջազգային հարցերի շուրջ։ Այսօր մենք մանրամասն, լավ, կառուցողական քննարկումներ ունեցանք և վերանայեցինք բոլոր թեմաները։ Կովկասում մենք ձգտում ենք խաղաղության Ադրբեջանի և Հայաստանի միջև։ Կովկասում տեղի ունեցող իրադարձությունները հետաքրքրում են մեզ և Ռուսաստանին, և բանակցությունները շարունակվում են»,- ասել է Իրանի ԱԳ նախարարը։
Նա նաև տեղեկացրել է, որ խորհրդակցություններ են ունեցել Իրանի միջուկային ծրագրի շուրջ։
«Փորձագիտական և իրավաբանական խմբերը կապի մեջ են, և մենք կշարունակենք դա անել: Իրանի դիրքորոշումը միջուկային հարցում հստակ է, և մենք չենք բանակցելու ճնշման կամ սպառնալիքների ներքո»,- հայտարարել է Իրանի ԱԳ նախարարը։
Թարգմանությունը՝ Էմմա Չոբանյանի
