21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Կոնգոյում անհայտ հիվանդության բռնկումն ավելի քան 50 մարդու կյանք է խլել
Քաղաքականություն
25.02.2025 | 23:12
Կոնգոյի Դեմոկրատական Հանրապետության հյուսիս-արևմուտքում անհայտ հիվանդությունից մահացել է ավելի քան 50 մարդ։ Շատ դեպքերում ախտանիշների առաջացման և մահվան միջև ընկած ժամանակահատվածը կազմել է 48 ժամ: Այս մասին հայտարարել է Բիկորոյի տարածաշրջանային մոնիտորինգի կենտրոնի հիվանդանոցի բժշկական տնօրեն Սերժ Նգալեբատոն, փոխանցում է AP-ն։
Կոնգոյի Դեմոկրատական Հանրապետությունում վերջին բռնկումը սկսվել է հունվարի 21-ին: Այսօր արդեն գրանցվել է 419 դեպք, որից 53-ը՝ մահվան ելքով։
Ըստ ԱՀԿ-ի աֆրիկյան գրասենյակի՝ առաջին բռնկումը Բոլոկո քաղաքում սկսվել է այն բանից հետո, երբ երեք երեխաներ չղջիկ են կերել և մահացել հեմոռագիկ տենդի ախտանիշների առաջացումից հետո 48 ժամվա ընթացքում։ ԱՀԿ-ն հայտնել է, որ երբ փետրվարի 9-ին Բոմատե քաղաքում սկսվել է ներկայիս անհայտ հիվանդության երկրորդ բռնկումը, 13 հիվանդների նմուշներն ուղարկվել են Կոնգոյի մայրաքաղաք Կինշասայի Կենսաբժշկական հետազոտությունների ազգային ինստիտուտ՝ վերլուծության համար:
Նմուշները բացասական են եղել Էբոլայի կամ այլ սովորական հեմոռագիկ տենդերի համար, ինչպիսին է Մարբուրգը և այլն, սակայն որոշների թեստը դրական է եղել մալարիայի համար:
Թարգմանությունը՝ Տաթև Ֆռանգյանի
