24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
ԱԱԾ և ՀՔԾ ղեկավարների հեռախոսազրույցի մոնտաժված լինելը Քննչական կոմիտեն ո՛չ հաստատում է, ո՛չ հերքում
Հասարակություն
28.09.2018 | 21:00
Մամուլն այսօր գրել էր, որ վերջերս հրապարակված ԱԱԾ և ՀՔԾ պետերի միջև տեղի ունեցած հեռախոսազրույցը մոնտաժված է եղել: Ըստ հրապարկման՝ տարածվել են այն հատվածները, որոնք ձեռնտու են եղել գաղտնալսողներին:
Factor.am-ը փորձեց հարցի շուրջ մեկնաբանություն ստանալ ՀՔԾ-ից, սակայն մեզ ասացին, որ բոլոր հարցերն ուղղենք Քննչական կոմիտե:
ՀՀ քննչական կոմիտեի նախագահի խորհրդական Սոնա Տռուզյանը, սակայն, լուրը ո՛չ հաստատեց, ո՛չ հերքեց. «Քրեական գործով ընթանում է քննություն, այս պահին այլ մանրամասներ չենք կարող հաղորդել: Քննության արդյունքների մասին կտեղեկացնենք ավելի ուշ: Մամուլում տարբեր լուրեր են շրջանառվում, որոնք մենք ո՛չ հաստատում ենք, ո՛չ էլ հերքում: Չենք անդրադառնում»:
Հիշեցնենք, որ Քննչական կոմիտեում քննվող առերևույթ պաշտոնական լիազորություններն անցնելու դեպքի առթիվ հարուցված քրեական գործի շրջանակում հարցաքննվել են Երևան քաղաքի առաջին ատյանի ընդհանուր իրավասության դատարանի դատավոր Վաչե Մարգարյանը, ՀՔԾ պետ Սասուն Խաչատրյանը, ԱԱԾ տնօրեն Արթուր Վանեցյանը:
Լիլիթ Շաբոյան
