08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մասկը Կանադան «կեղծ երկիր» է անվանել՝ իրեն քաղաքացիությունից զրկելու կոչերի պատճառով
Քաղաքականություն
25.02.2025 | 17:54
ԱՄՆ Կառավարության արդյունավետության դեպարտամենտի (DOGE) ղեկավար, գործարար Իլոն Մասկը պատասխանել է Կանադայում նախաձեռնված խնդրագրին, որով պահանջվում է իրեն զրկել կանադական քաղաքացիությունից։ Միջնորդությունն արդեն հավաքել է 231 հազար ստորագրություն։
«Կանադան իրական երկիր չէ»,- այսպես է Մասկը մեկնաբանել խնդրագիրը X-ում գրառմամբ։
Իլոն Մասկը երեք երկրի քաղաքացիություն ունի՝ ԱՄՆ, Հարավաֆրիկյան Հանրապետություն և Կանադա (հոր և մոր կողմից): Միջնորդագիրը ստեղծվել է Նանաիմոյի բնակիչ Քուալիա Ռեյդի կողմից և փետրվարի 20-ին հրապարակվել Համայնքների պալատի կայքում։ Տեքստում ասվում է, որ Իլոն Մասկին պետք է զրկել Կանադայի քաղաքացիությունից, քանի որ նա «զբաղվել է երկրի ազգային շահերին հակասող գործունեությամբ» և «օգտագործել է իր հարստությունն ու իշխանությունը՝ մեր ընտրությունների վրա ազդելու համար»։
Բացի այդ, «նա դարձել է օտարերկրյա կառավարության անդամ, որը փորձում է ոչնչացնել Կանադայի ինքնիշխանությունը», ասված է խնդրագրում: Ստորագրահավաքը կտևի մինչև հունիսի 20-ը։
ԱՄՆ նախագահ Դոնալդ Թրամփը հունվարին հիմնադրել է DOGE-ը և Իլոն Մասկին նշանակել դրա գործադիր տնօրեն։ Փետրվարին ԱՄՆ 14 նահանգների դեմոկրատ դատախազները հայց են ներկայացրել Թրամփի և Մասկի դեմ։ Հայցվորները կարծում են, որ DOGE-ն ստեղծվել է Սահմանադրության խախտմամբ։
Թարգմանությունը՝ Տաթև Ֆռանգյանի
