13.03.2026 | 14:57
ԱՄՆ-ը զգուշացնում է իր քաղաքացիներին՝ վերանայել Ադրբեջան ուղևորության ծրագրերը
Թրամփի հանդիպումները Զելենսկիի և Պուտինի հետ կկայանան շատ շուտով. Սպիտակ տուն
Քաղաքականություն
25.02.2025 | 16:30
ԱՄՆ նախագահ Դոնալդ Թրամփը «շատ շուտով» կհանդիպի Ուկրաինայի նախագահ Վլադիմիր Զելենսկիի և Ռուսաստանի նախագահ Վլադիմիր Պուտինի հետ։ Այս մասին Fox News-ի եթերում հայտնել է Սպիտակ տան խոսնակ Քերոլայն Լևիտը։
«Մենք ակնկալում ենք, որ այս հանդիպումները կկայանան շատ շուտով»,- ասել է նա։
Լևիտը նշել է, որ Թրամփն ակնկալում է նաև, որ Ուկրաինայի հետ կստորագրվի հազվագյուտ հանածոների վերաբերյալ պայմանագիրը։
«Ճիշտ է այս համաձայնագրի ստորագրումը՝ հաշվի առնելով, թե ինչ են արել ամերիկացի հարկատուներն Ուկրաինայի համար»,- ընդգծել է Սպիտակ տան խոսնակը։
Հիշեցնենք, որ փետրվարի 24-ին Զելենսկին G7-ի հանդիպման շրջանակում զրուցել է Դոնալդ Թրամփի հետ։ Ուկրաինայի նախագահը զրույցն անվանել է «լավ»։ Իսկ Թրամփը հայտարարել է այս կամ հաջորդ շաբաթ Զելենսկիի հետ հանդիպման մասին։
Թարգմանությունը՝ Տաթև Ֆռանգյանի
