25.05.2026 | 22:44
Նալբանդյան-Նոր Արտագերս ավտոճանապարհին մեքենա է այրվել
Թրամփը հերքել է Հունաստանում ամերիկյան ռազմաբազայի փակման մասին տեղեկությունները
Քաղաքականություն
25.02.2025 | 17:10
ԱՄՆ նախագահ Դոնալդ Թրամփը հերքել է տեղեկությունը, թե ԱՄՆ զինված ուժերը կդադարեցնեն օգտագործել օբյեկտները Հունաստանի հյուսիսային Ալեքսանդրուպոլի նավահանգստային քաղաքում՝ ուկրաինական պատերազմի մոտալուտ ավարտի պատճառով, գրում է ekathimetini-ն։
Ֆրանսիայի նախագահ Էմանուել Մակրոնի հետ նախօրեին Վաշինգտոնում մամուլի ասուլիսի ժամանակ լրագրողը Դոնալդ Թրամփին հարցրել է՝ արդյո՞ք ԱՄՆ-ը նախատեսում է փակել ռազմաբազան Ալեքսանդրուպոլիում, ինչպես հաղորդում են հունական լրատվամիջոցները։ Թրամփը պարզաբանումների համար դիմել է սենյակում գտնվող ամերիկացի պաշտոնյաներին։
Հաստատելուց հետո, որ զեկույցը ճշգրիտ չէ, Թրամփը կրկնել է. «Դա իրական պատմություն չէ»:
ԱՄՆ պաշտպանության նախարարության պաշտոնյան էլ Breitbart-ին ասել է, որ Միացյալ Նահանգները Ալեքսանդրուպոլիում ռազմաբազա չունի «փակելու» համար, այլ օգտագործում է հունական օբյեկտները և նավահանգիստը որպես տրանսպորտային հանգույց՝ անձնակազմին Եվրոպա տեղափոխելու և դուրս բերելու համար:
Ուկրաինայում պատերազմի մեկնարկից ի վեր հունական նավահանգիստը ռազմավարական նշանակություն է ստացել ԱՄՆ-ի և ՆԱՏՕ-ի համար՝ ծառայելով որպես Արևելյան Եվրոպայում տեղակայված զորամասերի մատակարարման կարևոր ուղի: Նավահանգստի գործառույթները մաս են կազմում 2022 թվականի մայիսին ստորագրված Հունաստանում ամերիկյան ուժերի ներկայության հնգամյա շրջանակային համաձայնագրի (Հունա-ամերիկյան փոխադարձ պաշտպանական համագործակցության համաձայնագիր):
Թարգմանությունը՝ Էմմա Չոբանյանի
