24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ֆրանսիան կարող է միջուկային զենք կրող կործանիչներ տեղակայել Գերմանիայում․ Daily Telegraph
Քաղաքականություն
25.02.2025 | 20:38
Ֆրանսիան կարող է միջուկային զենք ունեցող կործանիչներ տեղակայել Գերմանիայում, եթե ԱՄՆ-ը դուրս բերի զորքերը տարածաշրջանից, գրում է բրիտանական Daily Telegraph-ը։
«Ֆրանսիան պատրաստ է օգտագործել իր միջուկային վահանը՝ Եվրոպան պաշտպանելու համար: Նա կարող է միջուկային մարտագլխիկներով կործանիչներ ուղարկել Գերմանիա՝ զորքերը մայրցամաքից դուրս բերելու՝ ԱՄՆ-ի սպառնալիքների ֆոնին»,- ասվում է հոդվածում։
Ըստ աղբյուրների՝ պաշտոնական հարցում, ամենայն հավանականությամբ, կարվի միայն այն դեպքում, եթե ամերիկացիները դուրս բերեն միջուկային զսպման ուժերը Գերմանիայից։ Անանուն ֆրանսիացի պաշտոնյան ասել է, որ նման քայլն ազդանշան կուղարկի Ռուսաստանին, իսկ Բեռլինում դիվանագետները ենթադրում են, որ դա կստիպի Բրիտանիային հետևել Փարիզի օրինակին:
Պարբերականը նշում է, որ Ֆրանսիայի միջուկային զսպիչ միջոցները ներկայում անկախ են ՆԱՏՕ-ից՝ ի տարբերություն բրիտանացիների, որոնք առանցքային դեր են խաղում դաշինքի պաշտպանական ռազմավարության մեջ։
Թարգմանությունը՝ Տաթև Ֆռանգյանի
