08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Այսօր տեղի կունենա ռուսական և ամերիկյան պատվիրակությունների երկրորդ հանդիպումը Ռիադում․ Zeit
Քաղաքականություն
25.02.2025 | 12:27
Սաուդյան Արաբիայի մայրաքաղաք Էր Ռիադում Ուկրաինայի հարցով ռուս-ամերիկյան բանակցությունները կշարունակվեն փետրվարի 25-ին։ Այս մասին հայտնում է գերմանական Zeit-ը՝ վկայակոչելով իր դիվանագիտական աղբյուրներին։
«Ռուսաստանի և ԱՄՆ-ի ներկայացուցիչներն այսօր Սաուդյան Արաբիայի մայրաքաղաք Էր Ռիադում կրկին բանակցություններ են վարում Ուկրաինայի ապագայի շուրջ»,- գրում է թերթը։
Ըստ Zeit-ի աղբյուրների՝ սա անցած շաբաթ Ռուսաստանի արտգործնախարար Սերգեյ Լավրովի և ԱՄՆ պետքարտուղար Մարկո Ռուբիոյի հանդիպման շարունակությունն է։
Ռիադում բանակցությունները տեղի են ունենում Ֆրանսիայի նախագահ Էմանուել Մակրոնի՝ Վաշինգտոն կատարած այցից մեկ օր անց։ Նա հայտարարել էր, որ Ուկրաինայում հրադադարի կարելի է հասնել շաբաթների ընթացքում:
Փետրվարի 24-ին ՌԴ նախագահ Վլադիմիր Պուտինը հայտարարել է, որ ուկրաինական հակամարտությունը դեռևս ըստ էության չի քննարկվել ԱՄՆ-ի հետ բանակցություններում։
Ավելի վաղ Կրեմլը հայտարարել էր ԱՄՆ-ի և Ռուսաստանի ներկայացուցիչների նոր հանդիպման մասին։
Թարգմանությունը՝ Տաթև Ֆռանգյանի
