06.11.2026 | 14:11
Հայաստանում սպասվում է անձրև և ձյուն․ ջերմաստիճանը կնվազի
ԵՄ-ում կա կոնսենսուս՝ ՀՀ անվտանգությունը դիտարկվում է որպես եվրոպական ընտանիքի անվտանգության մի մաս․ ՏԵՍԱՆՅՈՒԹ
Քաղաքականություն
25.02.2025 | 12:24
Եվրոպական Միության խորհրդարանը հետաքրքրված է տարածաշրջանի խնդիրներով ամենայն մանրամասնությամբ, այս մասին Երևանում ընթացող Հայաստան-ԵՄ խորհրդարանական գործընկերության կոմիտեի 4-րդ նիստի բացմանը նշեց ԱԺ արտաքին հարաբերությունների հանձնաժողովի նախագահ Արման Եղոյանը:
Պատգամավորը հույս հայտնեց, որ վիզաների ազատականացումը մի քանի տարվա ընթացքում արդեն կլինի իրողություն։
Արման Եղոյանի խոսքով՝ կարևոր է Եվրոպական խաղաղության գործիքակազմից աջակցություն ստանալը։ «Եվ այստեղ խոսքը ոչ միայն հարցի ֆինանսական կողմի մասին է, այլև հարցի քաղաքական կողմի։ Գիտեք, թե ինչ դեբատներ են այսօր տեղի ունենում եվրոպական քաղաքական ընտանիքում, թե ինչ և ինչպես պիտի անի Եվրամիությունն անվտանգության քաղաքականության մեջ, եվրոպական անվտանգության ճարտարապետության մեջ և ահա խաղաղության գործիքակազմից Հայաստանին աջակցություն տրամադրելը ցույց տվեց, որ այս հարցում ԵՄ-ում կա կոնսենսուս, որ ՀՀ անվտանգությունը դիտարկվում է որպես եվրոպական ընտանիքի ընդհանրապես անվտանգության մի մաս: Դա, իսկապես, այդպես է, որովհետև որևէ անկայունություն, որ սկսվել է ԵՄ սահմանների մոտ, նախ սկսվել է մեր տարածաշրջանից։ Մենք դա արդեն տեսել ենք մեկ անգամ և, կարծում եմ, որ ԵՄ-ն թույլ չի տա դա կրկնվի ևս մեկ անգամ»,- հայտարարեց նա։
Մանրամասները՝ տեսանյութում։
