25.05.2026 | 16:00
Տղամարդավարի ներողություն խնդրիր Օսիպյանից. Տիգրան Պետրոսյանը դիմեց Փաշինյանին․ ՏԵՍԱՆՅՈՒԹ
Ձերբակալվել են Մարսելում ՌԴ հյուպատոսության վրա դյուրավառ հեղուկով շշեր նետելու մեջ կասկածվողները․ BFM
Քաղաքականություն
25.02.2025 | 13:27
Երկուշաբթի երեկոյան Մարսելում Ուկրաինային աջակցող ցույցի ժամանակ երկու տղամարդ է բերման ենթարկվել. նրանք կասկածվում են փետրվարի 24-ի առավոտյան Ռուսաստանի հյուպատոսության շենքի ուղղությամբ դյուրավառ հեղուկով շշեր նետելու մեջ, հայտնում է BFMTV-ն՝ հղում անելով ոստիկանության աղբյուրին։
Ըստ աղբյուրի՝ նրանց ինքնքնությունը պարզել են տեսահսկման խցիկների տեսագրությունից:
Նախօրեին ոստիկանությունը հայտնել էր, որ դյուրավառ նյութերը նետվել են Մարսելում Ռուսաստանի հյուպատոսության այգի։ Քննիչները սկսել են ուսումնասիրել զովացուցիչ ըմպելիքների երեք շշերի պարունակությունը, ասվում է հաղորդագրության մեջ։
Հյուպատոսության վրա հարձակման մասին հաղորդումներից հետո ՌԴ ԱԳՆ խոսնակ Մարիա Զախարովան հայտարարել էր, որ պայթյուններն «ահաբեկչական հարձակման բոլոր նշաններն ունեն» և ֆրանսիական իշխանություններից պահանջել է «սպառիչ և օպերատիվ հետաքննական միջոցներ» ձեռնարկել։
Ռուս դիվանագետները հայտնել են, որ միջադեպի հետևանքով ոչ ոք չի տուժել:
Թարգմանությունը՝ Տաթև Ֆռանգյանի
