18.12.2025 | 23:24
ՀՀ տարածքում ավտոճանապարհները հիմնականում անցանելի են
«Սպասում ենք՝ Հայաստանը հաղթահարի կարգավորման գործընթացի հիմնական խոչընդոտը՝ Սահմանադրության փոփոխություններով հրաժարվի տարածքային պահանջներից». Ադրբեջանի ԱԳ փոխնախարարը՝ Ժնևում
Քաղաքականություն
24.02.2025 | 21:14
Անցյալ տարվա ընթացքում Ադրբեջանն ու Հայաստանը զգալի առաջընթաց են գրանցել կարգավորման գործընթացում ուղիղ երկկողմ բանակցությունների միջոցով, մասնավորապես, երկկողմ խաղաղության համաձայնագրի նախապատրաստման, պետական սահմանի սահմանազատման և սահմանագծման ուղղությամբ։ Այս մասին այսօր Ժնևում Մարդու իրավունքների խորհրդի 56-րդ նստաշրջանի բարձր մակարդակի նիստում հայտարարել է Ադրբեջանի ԱԳ փոխնախարար Էլնուր Մամեդովը։
Միաժամանակ, խոսելով խաղաղության պայմանագրի ստորագրումից՝ նա շարունակել է ադրբեջանական քարոզչական կեղծ թեզերը հնչեցնել։
«Ներկայում մենք սպասում ենք, որ Հայաստանը հաղթահարի կարգավորման գործընթացի հիմնական խոչընդոտը՝ Սահմանադրության փոփոխությունների միջոցով օրինական կերպով հրաժարվելով Ադրբեջանի նկատմամբ տարածքային պահանջներից»,- հայտարարել է ադրբեջանցի պաշտոնյան։
Թարգմանությունը՝ Էմմա Չոբանյանի
