17.07.2026 | 19:42
Հայաստանն ու ԱՄԷ-ն քննարկել են թարմ բանջարեղենի, ծաղիկների ու հանքային ջրի արտահանման հնարավորությունը
ԵՄ ԱԳ նախարարները համաձայնել են շարունակել ռազմական օգնությունն Ուկրաինային
Քաղաքականություն
24.02.2025 | 19:59
ԵՄ արտաքին գործերի և անվտանգության հարցերով գերագույն ներկայացուցիչ Կայա Կալլասը հայտարարել է, որ ԵՄ ԱԳ նախարարները պատրաստակամություն են հայտնել շարունակել ռազմական աջակցությունն Ուկրաինային, փոխանցում է BBC-ի ռուսական ծառայությունը։
«Նախարարները լայնորեն աջակցել են Ուկրաինային ռազմական օգնության նոր նախաձեռնությանը։ Մանրամասներն ու թվերը կորոշվեն և կքննարկվեն մարտի 6-ին կայանալիք արտահերթ եվրոպական գագաթնաժողովում։ Մենք պետք է Ուկրաինային դնենք ուժի դիրքում, որպեսզի նա կարողանա «ոչ» ասել վատ գործարքին»,- Կալլասի խոսքերն է մեջբերում «Ինտերֆաքս-Ուկրաինան»։
Ըստ հրապարակման՝ «վատ գործարք» ասելով՝ Կալլասը նկատի ունի ՌԴ և ԱՄՆ նախագահներ Վլադիմիր Պուտինի և Դոնալդ Թրամփի միջև ձևավորված համաձայնությունը, որոնք ցանկանում են դադարեցնել մարտերը՝ բանակցություններին ԵՄ երկրների և հենց Ուկրաինայի կողմից նվազագույն մասնակցությամբ:
Այսօր The Times-ը, վկայակոչելով իր դիվանագիտական աղբյուրներին, գրել էր, որ Մեծ Բրիտանիայի վարչապետ Քիր Սթարմերը և Ֆրանսիայի նախագահ Էմանուել Մակրոնը մտադիր են այս շաբաթ ԱՄՆ նախագահ Դոնալդ Թրամփի հետ հանդիպման ժամանակ միասնական ուղերձ հղել Սպիտակ տան ղեկավարին։
Թարգմանությունը՝ Տաթև Ֆռանգյանի
