Քաղաքականություն
24.02.2025 | 18:37
Ֆրանսիայի նախագահ Էմանուել Մակրոնը Վաշինգտոնում է, նա հանդիպում է նախագահ Դոնալդ Թրամփի հետ, քանի որ եվրոպացի առաջնորդները ձգտում են ամրապնդել անդրատլանտյան դաշինքները, գրում է The Washington post-ը:
Վաշինգտոնի ժամանակով կեսօրից հետո նախատեսվում է նախագահների համատեղ մամուլի ասուլիսը։
Երկու ղեկավարների հանդիպումը տեղի է ունենում ԵՄ-ի ու ԱՄՆ-ի միջև լարվածության ֆոնին։ Կիրակի Գերմանիայի ընտրություններում հաղթանակած պահպանողական Քրիստոնեա-դեմոկրատական կուսակցության ղեկավար Ֆրիդրիխ Մերցը, հայտարարել է, որ Թրամփին և նրա վարչակազմին այնքան էլ չի հետաքրքրում Եվրոպայի ճակատագիրը:
Միջազգային շատ վերլուծաբաններ ևս իրենց հերթին նշում են, որ Թրամփը փոխել է Միացյալ Նահանգների մոտ հարյուրամյա մոտեցումը համաշխարհային գործերին:
Թարգմանությունը՝ Տաթև Ֆռանգյանի
