26.06.2026 | 15:31
Քննարկվել է «Կոնդ» թաղամասի քաղաքաշինական հայեցակարգը
Մերցը հնարավոր է համարել ՆԱՏՕ-ի եվրոպական այլընտրանքի ստեղծումը
Քաղաքականություն
24.02.2025 | 16:18
Քրիստոնեա-դեմոկրատական միությունից (CDU) Գերմանիայի կանցլերի թեկնածու Ֆրիդրիխ Մերցը հայտարարել է, որ ՆԱՏՕ-ն դժվար թե գոյատևի ներկայիս տեսքով մինչև հունիսի գագաթնաժողովը։ Եվրոպան կարող է ստիպված լինել այլընտրանքային պաշտպանության բլոկ ստեղծել, ARD հեռուստաընկերությանը տված հարցազրույցում ասել է գերմանացի քաղաքական գործիչը, փոխանցում է Reuters-ը։
Մերցը վստահեցրել է, որ նախկինում նման կանխատեսում չէր պատկերացնում Խաղաղօվկիանոսյան դաշինքի վերաբերյալ։ Սակայն ԱՄՆ նախագահ Դոնալդ Թրամփի վարչակազմի վերջին հայտարարություններից հետո ինքը հասկացել է, որ Թրամփին «քիչ է հետաքրքրում Եվրոպայի ճակատագիրը»։
Փետրվարի 20-ին Վաշինգտոնում ամերիկացի փոխնախագահ Ջեյ Դի Վենսն ընդգծել է, որ ԱՄՆ վաղուց կոչ է անում Եվրոպային մեծ պատասխանատվություն ստանձնել իր պաշտպանության համար»։ Սրա հետ մեկտեղ, նա վստահեցրել է, որ ՆԱՏՕ-ն կպահպանի դաշինքը Եվրոպայի հետ։
Անձամբ Ֆրիդրիխ Մերցը բազմիցս վստահեցրել է, որ ԵՄ-ն պետք է մշակի մայրցամաքը պաշտպանելու սեփական ռազմավարությունը, այդ թվում՝ պայմանավորվելով Ֆրանսիայի ու Մեծ Բրիտանիայի հետ միջուկային համագործակցության մասին։
Թարգմանությունը՝ Տաթև Ֆռանգյանի
