ԵՄ դիվանագիտության ղեկավարը սատարել է ընտրություններ անցկացնելուց հրաժարվելու՝ Զելենսկիի որոշումը

Եվրամիությունն աջակցում է Ուկրաինայի նախագահ Վլադիմիր Զելենսկիի՝ ընտրություններ անցկացնելուց հրաժարվելու որոշումը, քանի որ Ուկրաինայում ռազմական գործողությունները շարունակվում են։ Այս մասին հայտարարել է ԵՄ արտաքին գործերի նախարար Կայա Կալլասը։

«Ընտրություններում մենք պայքարում ենք միմյանց հետ, բայց այստեղ մենք ունենք մի իրավիճակ, երբ կա արտաքին թշնամի, և մենք պետք է մեր բոլոր ուժերն ուղղենք նրա դեմ»,- ասել է Կալլասը ԵՄ ԱԳ նախարարների հանդիպման ժամանակ։

Նրա խոսքով՝ ԱՄՆ նախագահ Դոնալդ Թրամփի հայտարարությունները, որը Զելենսկիին անվանել է «բռնապետ առանց ընտրությունների», «շատ լայնորեն ներկայացնում են ռուսական պատմությունները»։

Մինչ այս, Թրամփը հայտարարել էր Ուկրաինայում նախագահական ընտրությունների անցկացման անհրաժեշտության մասին, որպեսզի երկրի իշխանությունները բանակցություններ սկսեն Ռուսաստանի հետ՝ պատերազմը դադարեցնելու համար։ Նա ասել էր, թե Զելենսկիի վարկանիշն ընկել է՝ հասնելով 4 տոկոսի, քանի որ նա «սարսափելի աշխատանք է կատարել» և «նրա երկիրը կոտրվել է», բայց նա պահել է իշխանությունը և հրաժարվել ընտրություններ անցկացնելուց։

Թրամփի հայտարարությունը հնչել է երեք տարվա պատերազմի ընթացքում ԱՄՆ-ի և Ռուսաստանի միջև առաջին պաշտոնական բանակցություններից հետո։ Էր Ռիադում կայացած հանդիպման ժամանակ ամերիկյան և ռուսական պատվիրակությունները քննարկել են Ուկրաինայում ռազմական հակամարտությունը դադարեցնելու ծրագիրը, որը ներառում է երեք փուլ՝ զինադադար, նախագահական ընտրություններ և վերջնական խաղաղության համաձայնագրի ստորագրում, հաղորդում է Fox News-ը՝ վկայակոչելով դիվանագիտական աղբյուրների։

Թարգմանությունը՝ Տաթև Ֆռանգյանի