08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Կրեմլը նախադրյալներ չի տեսնում ԵՄ-ի հետ երկխոսությունը վերսկսելու համար
Քաղաքականություն
24.02.2025 | 16:38
ՌԴ նախագահի մամուլի քարտուղար Դմիտրի Պեսկովը հայտարարել է, որ Եվրամիությունը գնում է «պատժամիջոցների, պատերազմը շարունակելու անհրաժեշտության համոզման ճանապարհով»։ Այս մոտեցումը հակասում է ԱՄՆ իշխանությունների վերաբերմունքին, Կոմերսանտի փոխանցմամբ՝ ասել է նա։
«Առայժմ մենք Եվրոպայի հետ երկխոսությունը վերսկսելու նախադրյալներ չենք տեսնում։ Եվրոպացիները շարունակում են գնալ պատժամիջոցների, պատերազմը շարունակելու անհրաժեշտության համոզման ճանապարհով։ Եվրոպացիների այս համոզմունքը լիովին հակասում է Ուկրաինայի շուրջ հակամարտությունը կարգավորելու ուղիներ գտնելու տրամադրություններին, ինչը մենք ներկայում անում ենք ամերիկացիների հետ»,- մամուլի ասուլիսի ժամանակ ասել է Դմիտրի Պեսկովը։
Նա նաև կանխատեսելի է անվանել ԵՄ-ի նոր պատժամիջոցները։
Եվրամիությունն այսօր ընդունել է Ռուսաստանի դեմ պատժամիջոցների 16-րդ փաթեթը։ Դրանում հայտնվել են 13 բանկեր, որոնք անջատվել են SWIFT համակարգից։ Ցանկում ներառված է 74 նավ, որոնք Ռուսաստանի «ստվերային նավատորմի» մաս են համարվում։ Բացի այդ, ԵՄ տարածքում արգելվել է ռուսական ութ լրատվամիջոցի հեռարձակումը։
Թարգմանությունը՝ Տաթև Ֆռանգյանի
