09.10.2026 | 10:21
Թուրքմենստանում ընթանում է ԱՊՀ պետությունների ղեկավարների գագաթնաժողովը՝ Նիկոլ Փաշինյանի մասնակցությամբ
Ուկրաինա ռուսական ներխուժման 3-րդ տարելիցին Եվրահանձնաժողովի նախագահն ու ԵՄ Խորհրդի ղեկավարը Կիև են ժամանել․ ՏԵՍԱՆՅՈՒԹ
Քաղաքականություն
24.02.2025 | 11:04
Ուկրաինա ռուսական ներխուժման երրորդ տարելիցին Եվրահանձնաժողովի ղեկավար Ուրսուլա ֆոն դեր Լեյենը և Եվրոպական խորհրդի նախագահ Անտոնիո Կոշտան ժամանել են Կիև՝ գործընկերների գագաթնաժողովին, գրում է BBC-ի ռուսական ծառայությունը։
Եվրամիության կենտրոնական մարմինների ղեկավարներին երկաթուղային կայարանում դիմավորել են Ուկրաինայի նախագահի գրասենյակի ղեկավար Անդրեյ Երմակը և արտաքին գործերի նախարար Անդրեյ Սիբիհան։
«Ռուսաստանի դաժան ներխուժման 3-րդ տարելիցին Եվրոպան Կիևում է։ Մենք այսօր Կիևում ենք, քանի որ Ուկրաինան Եվրոպա է։ Գոյատևման այս պայքարում վտանգված է ոչ միայն Ուկրաինայի ճակատագիրը։ Դա Եվրոպայի ճակատագիրն է»,-X-ի իր միկրոբլոգում գրել է Ուրսուլա ֆոն դեր Լեյենը։
Ուկրաինայի նախագահ Վլադիմիր Զելենսկին նախօրեին կայացած մամուլի ասուլիսում ասել էր, որ փետրվարի 24-ին Ուկրաինայի գործընկերների գագաթնաժողովին կմասնակցեն 13 երկրների ղեկավարներ, մասնավորապես, Հյուսիսային Եվրոպայի երկրների, ևս 24-ը գագաթնաժողովին կմասնակցեն տեսակապի միջոցով։
Թարգմանությունը՝ Էմմա Չոբանյանի
