08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մակրոնն ու Էրդողանը տարածաշրջանային և գլոբալ խնդիրներ են քննարկել
Քաղաքականություն
24.02.2025 | 15:13
Ֆրանսիայի նախագահ Էմանուել Մակրոնն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել։ Թուրքական կողմի հաղորդագրության համաձայն՝ զրույցի ընթացքում անդրադարձ է եղել Թուրքիայի և Ֆրանսիայի միջև երկկողմ հարաբերություններին, ինչպես նաև տարածաշրջանային և գլոբալ խնդիրների։
«Ընդգծելով Ռուսաստանի և Ուկրաինայի միջև պատերազմը դադարեցնելու և արդար ու տևական խաղաղության հասնելու Թուրքիայի շարունակական ջանքերը՝ նախագահ Էրդողանը հայտարարել է, որ Թուրքիան, որպես մի երկիր, որին հաջողվել է մի քանի անգամ բանակցային սեղանի շուրջ բերել պատերազմող կողմերին, կարող է նպաստել խաղաղ բանակցություններին, այդ թվում՝ որպես հյուրընկալող»,- ասվում է հաղորդագրության մեջ։
Էրդողանն ընդգծել է բանակցային գործընթաց սկսելու կարևորությունը, որը չի բացառում երկու հակամարտող երկրներից և ոչ մեկին։
Անդրադառնալով Գազայի հատվածի հետ կապված ԱՄՆ նախագահ Դոնալդ Թրամփի առաջարկին՝ Էրդողանը նշել է, որ պաղեստինցիներին Եգիպտոս, Հորդանան կամ որևէ այլ երկիր տեղափոխելու ծրագիրն անընդունելի է։
«Նախագահ Էրդողանը և նախագահ Մակրոնը, որպես ՆԱՏՕ-ի երկու դաշնակից երկրների ղեկավարներ, պայմանավորվել են առաջիկա ժամանակահատվածում ավելի համակարգված աշխատել»,- ասվում է թուրքական կողմի տարածած հաղորդագրության մեջ։
Թարգմանությունը՝ Էմմա Չոբանյանի
