Քաղաքականություն
23.02.2025 | 21:56
Ուկրաինայի նախագահ Վլադիմիր Զելենսկին հայտարարել է, որ պատրաստ է հեռանալ պետության ղեկավարի պաշտոնից, եթե դա նշանակում է խաղաղություն Ուկրաինայում կամ Կիևի՝ ՆԱՏՕ-ին անդամակցություն։ այս մասին այսօր՝ մամուլի ասուլիսին հայտարարեկ է Զելենսկին․ փոխանցում է “Украинская правда”-ն:
«Եթե խաղաղությունն Ուկրաինայի համար է, եթե ձեզ իսկապես անհրաժեշտ է, որ ես թողնեմ իմ պաշտոնը, ապա ես պատրաստ եմ, երկրորդ, ես կարող եմ այն փոխանակել ՆԱՏՕ-ի հետ, եթե այդպիսի պայմաններ լինեն»,- ասել է նա։
Զելենսկին նշել է, որ ինքը կենտրոնացած է Ուկրաինայի անվտանգության վրա այսօր, ոչ թե 20 տարի հետո, և մտադիր չէ տասնամյակներ շարունակ մնալ իշխանության ղեկին։ Խոսելով ՆԱՏՕ-ի մասին՝ նա կրկնել է, որ դաշինքին անդամակցելը ամենաէժան տարբերակը կլինի Ուկրաինայի անվտանգությունը երաշխավորելու համար։
Կիևում կայացած մամուլի ասուլիսում Վլադիմիր Զելենսկին նաև ավելացրել է, որ կցանկանար տեսնել ԱՄՆ նախագահ Դոնալդ Թրամփին որպես Ուկրաինայի գործընկեր, այլ ոչ միայն միջնորդ Կիևի և Մոսկվայի միջև։
