08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Վեճ Դավիթ Բեկում` նախկին գյուղապետի մասնակցությամբ
Հասարակություն
22.02.2025 | 20:55
Փետրվարի 19-ին միջադեպ է տեղի ունեցել Սյունիքի մարզի Դավիթ Բեկ բնակավայրում: ՆԳՆ ոստիկանությունն այդ մասին ահազանգ է ստացել: ՆԳՆ մամուլի խոսնակ Նարեկ Սարգսյանը Factor.am-ին հայտնեց, որ քրեական ոստիկանության Սյունիքի մարզային վարչության ծառայողները պարզել են, որ երկու հարևանների միջև վեճ է եղել, որի ժամանակ մեկը մյուսին մեկ անգամ հարվածել է:
Factor.am-ի տեղեկություններով` վիճաբանող կողմերից մեկը Դավիթ Բեկ բնակավայրի նախկին գյուղապետ Արտավազդ Հակոբյանն է: «Մամուլի այն հրապարակումները, որ հնչել են կրակոցներ, իրականությանը չեն համապատասխանում»,- ասաց Նարեկ Սարգսյանը:
ՆԳՆ մամուլի խոսնակի փոխանցմամբ` փաստաթղթեր են կազմվել, որոնք փոխանցվել են Քննչական կոմիտե:
