24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
USAID-ի կապալառուները Թրամփի վարչակազմին մեղադրում են դատարանի որոշումը խախտելու մեջ
Քաղաքականություն
20.02.2025 | 20:19
ԱՄՆ Միջազգային զարգացման գործակալության (USAID) կողմից ֆինանսավորվող կապալառուների և հասարակական կազմակերպությունների կոալիցիան պահանջել է դաշնային դատավորից ԱՄՆ նախագահ Դոնալ Թրամփի վարչակազմին մեղավոր ճանաչել դատարանի հանդեպ անհարգալից վերաբերմունքի մեջ, քանի որ հրաժարվել է ապասառեցնել օտարերկրյա դրամաշնորհների վճարումները՝ չնայած դատարանի որոշմանը, գրում է The Hill-ը:
Անցյալ շաբաթ ԱՄՆ շրջանային դատավոր Ամիր Ալին արգելել էր երկրի վարչակազմին չեղարկել օտարերկրյա դրամաշնորհներն ու պայմանագրերը, որոնք տրամադրվել էին նախքան Թրամփի Սպիտակ տուն վերադառնալը, հայտնում է Hill-ը: Սակայն կառավարությունը երեքշաբթի օրը դատարանում պնդել է, որ սառեցումը շարունակելը չի խախտում կարգը՝ վկայակոչելով կետը, որը թույլ է տալիս «պայմանագրերի և դրամաշնորհների կատարումը»:
Կապալառուների փաստաբանները դիրքորոշումն «ապշեցուցիչ» են անվանել՝ ասելով, որ կառավարությունը փաստացի անտեսում է «հստակ» արգելանքը: Նրանք նաև որպես ապացույց մեջբերել են փետրվարի 15-ին Թրամփի սոցցանցերից մեկում արված գրառումը, որում նա գրել էր, որ «նա, ով փրկում է իր երկիրը, չի խախտում օրենքը»։ Փաստաբանները սա մեկնաբանել են որպես դատարանի որոշմանը չենթարկվելու մտադրություն։
Հիշեցնենք, որ USAID-ի ֆինանսավորումը սառեցված է։ ԱՄՆ պետքարտուղար Մարկո Ռուբիոն, որը նաև նշանակվել է որպես USAID-ի ղեկավարի պաշտոնակատար, ավելի վաղ հայտարարել էր, որ իրշխանությունները պատրաստվում են վերևից ներքև ստուգել, որպեսզի որոշեն գործող վարչակազմի վարած միջազգային քաղաքականությանը ֆինանսավորման ծրագրերի համապատասխանությունը։ Նրա խոսքով՝ վերագնահատումից հետո որոշ դեպքերում օգնությունը կապասառեցվի կամ նույնիսկ կմեծացվի։
Թարգմանությունը՝ Տաթև Ֆռանգյանի
