28.04.2025 | 19:00
Շատ վտանգավոր է, որ Փաշինյանը Սահմանադրական հանրաքվեի գնա, դա կազմալուծելու է ՀՀ ինքնիշխանությունը․ Նարինե Մկրտչյան. ՏԵՍԱՆՅՈՒԹ
Թրամփի մեկնաբանությունները «սխալ են և վտանգավոր»․ Շոլցն ու Սթարմերը աջակցություն են հայտնել Զելենսկիին
Քաղաքականություն
20.02.2025 | 13:34
Մեծ Բրիտանիայի վարչապետ Քիր Սթարմերը Ուկրաինայի նախագահ Վլադիմիր Զելենսկիին իր աջակցությունն է հայտնել այն բանից հետո, երբ ԱՄՆ նախագահ Դոնալդ Թրամփը նրան «բռնապետ» է անվանել, գրում է AFP-ը։
Սթարմերն «իր աջակցությունն է հայտնել նախագահ Զելենսկիին՝ որպես Ուկրաինայի ժողովրդավարական ճանապարհով ընտրված առաջնորդի և ասել, որ միանգամայն խելամիտ է դադարեցնել ընտրությունները պատերազմի ժամանակ, ինչպես դա արել է Մեծ Բրիտանիան Երկրորդ համաշխարհային պատերազմի ժամանակ»:
«Վարչապետը վերահաստատել է իր աջակցությունը Ուկրաինայում կայուն խաղաղության հասնելու՝ ԱՄՆ-ի գլխավորած ջանքերին, որը կզսպի Ռուսաստանին ապագա ցանկացած ագրեսիայից»,- ասվում է Բրիտանիայի վարչապետի գրասենյակի հայտարարության մեջ։
Գերմանիայի կանցլեր Օլաֆ Շոլցը նույնպես կտրականապես մերժել է Դոնալդ Թրամփի պնդումը, թե Ուկրաինայի առաջնորդ Վլադիմիր Զելենսկին բռնապետ է։
«Ասել, որ նախագահ Զելենսկին չունի ժողովրդավարական լեգիտիմություն, պարզապես սխալ է և վտանգավոր։ Ճշմարտությունն այն է, որ Վլադիմիր Զելենսկին ուկրաինական պետության օրինական ընտրված ղեկավարն է: Այն, որ պատերազմի պայմաններում անհնար է պատշաճ ընտրություններ անցկացնել, համապատասխանում է Ուկրաինայի սահմանադրության և ընտրական օրենքների դրույթներին: Եվ ոչ ոք իրավունք չունի հակառակը պնդելու»,- ասել է Շոլցը Der Spiegel-ին։
Շոլցը հիշեցրել է, որ հենց Ռուսաստանն է Վլադիմիր Պուտինի գլխավորությամբ պատերազմ սանձազերծել Ուկրաինայի դեմ։
«Ուկրաինան արդեն գրեթե երեք տարի պաշտպանում է իրեն ռուսական անխնա ագրեսիայից։ Ամեն օր»,- ասել է Գերմանիայի կանցլերը։
Թարգմանությունը՝ Էմմա Չոբանյանի
