15.04.2025 | 17:08
ԵՄ-Հայաստան հաղորդակցության հարթակը կօգնի քաղաքացիներին ավելի լավ ըմբռնել համագործակցության առավելությունները
Թրամփը հայտարարել է Ուկրաինայի հետ օգտակար հանածոների շուրջ համաձայնագրի խափանման մասին
Քաղաքականություն
20.02.2025 | 11:41
ԱՄՆ նախագահ Դոնալդ Թրամփը Ուկրաինային մեղադրել է հազվագյուտ մետաղների մասին համաձայնագիրը խաթարելու մեջ, որը, ըստ ամերիկյան վարչակազմի, թույլ կտար վերադարձնել Կիևին աջակցելու համար ծախսված միջոցները, գրում է BBC-ի ռուսական ծառայությունը։
«Մենք գործարք ունեցանք հազվագյուտ հողերի և մետաղների վերաբերյալ, և նրանք խափանեցին այդ գործարքը երկու օր առաջ»,- ասել է Թրամփը Մայամիում ներդրումային ֆորումի ժամանակ:
Իր ելույթում Թրամփը շարունակել է հարձակումը Ուկրաինայի նախագահ Վլադիմիր Զելենսկիի վրա՝ ասելով, որ ԱՄՆ-ը 350 միլիարդ դոլար է ծախսել Կիևին օգնության համար, սակայն, ի տարբերություն եվրոպական երկրների, դրա դիմաց ոչինչ չի ստացել։
«Մինչ ԱՄՆ-ը ոչինչ չի ստանում դրա դիմաց, նրանք [Եվրոպան] հետ են ստանում իրենց գումարները»,- ասել է նա:
Փետրվարի սկզբին Թրամփը հայտարարել էր, որ ցանկանում է օգտվել Ուկրաինայի հանքային ռեսուրսներից՝ Կիևին օգնության դիմաց: Նրա խոսքով՝ ուկրաինական «տարածքը հսկայական արժեք ունի հազվագյուտ հողային մետաղների առումով»։
«Ես ուզում եմ, որ մեր փողերն ապահով լինեն, քանի որ մենք հարյուր միլիարդավոր դոլարներ ենք ծախսում»,- ասել է Թրամփը։
Անցյալ շաբաթ ԱՄՆ ֆինանսների նախարար Սքոթ Բեսենթի՝ Կիև կատարած այցի ժամանակ ուկրաինական կողմին է ներկայացվել գործընկերության համաձայնագրի նախագիծը, որը ներառում է ներդրումներ հանքային ռեսուրսներում։ Վլադիմիր Զելենսկին հայտարարել է, որ իշխանությունները մտադիր են ուսումնասիրել այն։
Լրատվամիջոցները հայտնում են, որ Մյունխենի անվտանգության համաժողովում Զելենսկին հրաժարվել է ստորագրել փաստաթուղթը, ըստ որի՝ ԱՄՆ-ը կստանա հանքային ռեսուրսների 50%-ի սեփականությունը։ Ավելի ուշ Վլադիմիր Զելենսկին հայտարարել է, որ փաստաթուղթը դեռևս պատրաստ չէ ստորագրման։
«Ես չհամաձայնեցի ստորագրել համաձայնագիրը, քանի որ այն դեռ պատրաստ չէ»,- ասել է նա շաբաթավերջին։
Թարգմանությունը՝ Տաթև Ֆռանգյանի
