13.12.2025 | 16:54
ԲԿ-ի տնօրենը պարզաբանել է՝ ինչպես է թուրքական շտապ օգնության մեքենան հայտնվել Նոր Նորքում
ԱՄՆ-ն միջմայրցամաքային բալիստիկ հրթիռի փորձարկում է իրականացրել
Քաղաքականություն
19.02.2025 | 23:01
ԱՄՆ-ն իրականացրել է Minuteman III միջմայրցամաքային բալիստիկ հրթիռի պլանային փորձնարկում։ Այս մասին հաղորդվում է ԱՄՆ տիեզերական ուժերի հրամանատարության կայքէջում։
Հրթիռն արձակվել է Կալիֆորնիայի Վանդենբերգ ռազմաօդային բազայից։ «Այս փորձնական արձակումը սովորական և պարբերական գործողությունների մի մասն է, որը նախատեսված է ցույց տալու, որ Միացյալ Նահանգների միջուկային զսպիչ միջոցները մնում են անվտանգ, ապահով և արդյունավետ 21-րդ դարի սպառնալիքները զսպելու համար», – ասվում է հայտարարության մեջ:
Minuteman III-ը չլիցքավորված մարտագլխիկներ է հասցրել թիրախին ԱՄՆ Խաղաղօվկիանոսյան փորձարկման տեղամասի տարածքում, որը գտնվում է Կվաջալեյն ատոլի մոտ (Մարշալյան կղզիներ): Թռիչքի հեռահարությունը մոտավորապես 6,8 հազար կմ է եղել։
Ստանդարտ ընթացակարգերի համաձայն՝ ԱՄՆ-ը նախապես ծանուցել է ռուսական կողմին առաջիկա արձակման մասին՝ առկա երկկողմանի պարտավորություններին համապատասխան, գրում է պարբերականը։
Թարգմանությունը՝ Տաթև Ֆռանգյանի
