08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Մասկի նախաձեռնությամբ տնտեսվել է մոտ 50 մլրդ դոլար․ ԱՄՆ ֆինանսների նախարարություն
Քաղաքականություն
19.02.2025 | 22:49
ԱՄՆ կառավարության արդյունավետության վարչությունը (DOGE), որը ղեկավարում է միլիարդատեր Իլոն Մասկը, արդեն երկրի համար տնտեսել է մոտ 50 միլիարդ դոլար։ Այս մասին հայտարարել է ԱՄՆ ֆինանսների նախարար Սքոթ Բեսենտը, փոխանցում է Bloomberg-ը։
Ծախսերի կրճատման այս ծրագիրը, ի վերջո, կարող է հանգեցնել ՀՆԱ-ի մի քանի տոկոսին համարժեք խնայողությունների, ասել է նա:
Բեսենթը հավաստիացրել է, որ ամերիկացիները «չպետք է անհանգստանան» DOGE թիմի փորձերից՝ մուտք ունենալու մեծ քանակությամբ հարկային և անձնական տվյալների: Հենց այս ասպեկտն է անհանգստություն առաջացրել Կոնգրեսի դեմոկրատների շրջանում:
Ինչպես գիտեք, չնայած այն հանգամանքին, որ DOGE-ը կոչվում է «դեպարտամենտ», այն չի մտնում ԱՄՆ դաշնային կառավարության կառուցվածքի մեջ, որի ստեղծումը կպահանջի Կոնգրեսի հավանությունը: Դոնալդ Թրամփը բացատրել է, որ սա ոչ թե պաշտոնական կառավարական գործակալություն է լինելու, այլ մասնավոր նախաձեռնություն, որը խորհուրդներ կտա Սպիտակ տանը:
Թարգմանությունը՝ Տաթև Ֆռանգյանի
