Քաղաքականություն
19.02.2025 | 16:02
Կենտրոնական Ասիայի երկրներից, առաջին հերթին` Անդրկովկասից, ինչպես նաև Խորհրդային Միության այլ նախկին հանրապետություններից աշխատանքային միգրանտների համար մուտքի ռեժիմի խստացումը չի նպաստում Ռուսաստանի երկարաժամկետ շահերին։ Այս մասին հայտարարել է ՌԴ ԱԳ նախարար Սերգեյ Լավրովը, գրում է Կոմերսանտը։
Նա համաձայնել է, որ «կարգը պետք է պահպանվի», սակայն դեմ է հանդես եկել վիզային ռեժիմի ներդրմանը։
«Մենք ելնում ենք նրանից, որ պետք է խստացնել հսկողությունը նրանց վարքագծի նկատմամբ, բայց ոչ թե արգելքներ դնել, առավել ևս՝ վիզային ռեժիմ սահմանել։ Այո՛, գոյություն ունեցող կարգի համեմատ, այժմ լրացուցիչ միջոցներ են ձեռնարկվում, բայց դրանք ուղղված են հատկապես վերահսկողության խստացմանը, այլ ոչ թե աշխատանքային միգրացիայի համար խոչընդոտներ ստեղծելուն»,- ասել է Լավրովը Պետդումայում ունեցած ելույթում։
Նա հիշեցրել է, որ ԵՏՄ երկրների քաղաքացիները կարող են գալ «առանց հրավերների» և առանց հստակեցնելու, թե որտեղ են աշխատելու։ Լավրովը, սակայն, չի բացառել, որ հիմա «պետք է ավելի կոնկրետ ներկայացնեն», որպեսզի Ռուսաստանի իշխանությունները պատկերացում ունենան, թե որտեղ են գտնվում աշխատանքային միգրանտները և ում համար են աշխատում։
«Կարելի է դա անել՝ առանց արհեստական խոչընդոտներ ստեղծելու մեր ամենամոտ դաշնակիցների հետ հարաբերություններում»,- նշել է ՌԴ ԱԳՆ ղեկավարը։
Թարգմանությունը՝ Էմմա Չոբանյանի
