30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Զելենսկին նշել է այն երկրների անունները, որոնք դեմ են Ուկրաինային ՆԱՏՕ-ում տեսնելուն
Քաղաքականություն
19.02.2025 | 16:24
Եվրոպացի առաջնորդների մեծ մասն աջակցում է ՆԱՏՕ-ին Ուկրաինայի անդամակցությանը՝ բացառությամբ Սլովակիայի, Հունգարիայի, Գերմանիայի և Միացյալ Նահանգների: Այս մասին Թուրքիա կատարած այցի ժամանակ հայտարարել է Ուկրաինայի նախագահ Վլադիմիր Զելենսկին, գրում է թուրքական «Անադոլու» գործակալությունը։
«Սակայն ԱՄՆ-ի գործոնը էական դեր է խաղում այդ կարծիքների ձևավորման գործում»,- հավելել է նա։
Բացի այդ, Զելենսկին նշել է, որ Թուրքիայի նախագահ Ռեջեփ Թայիփ Էրդողանն աջակցում է ապագայում ՆԱՏՕ-ին Ուկրաինայի անդամակցությանը։
«Եթե [Ուկրաինայի անդամակցությունը ՆԱՏՕ-ին] տարբերակ չէ, անվտանգության ի՞նչ երաշխիքների մասին է խոսքը»,- ասել է նա՝ նշելով, որ Ուկրաինան հզոր բանակ ունի, բայց դրա պահպանման համար մշտապես զենք և գումար է պահանջվում։
Բացի այդ, Զելենսկին ասել է, որ Ուկրաինային անհրաժեշտ են նաև տնտեսական անվտանգության երաշխիքներ։
«Դրա համար մենք պետք է մուտք գործենք այնպիսի մեծ շուկա, ինչպիսին Եվրամիությունն է»,- եզրափակել է Ուկրաինայի նախագահը։
Թարգմանությունը՝ Տաթև Ֆռանգյանի
