24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
ԱՄՆ-ը կասեցրել է ուկրաինացիներից ներգաղթի դիմումների ընդունումը
Քաղաքականություն
19.02.2025 | 16:46
Միացյալ Նահանգները կասեցրել է Ուկրաինայի քաղաքացիների ներգաղթի դիմումների ընդունումը՝ նախագահ Դոնալդ Թրամփի կողմից Ուկրաինայի նախագահ Վլադիմիր Զելենսկիի քննադատության ֆոնին։ Այս մասին հայտնում է CBS News հեռուստաալիքը՝ վկայակոչելով երկու ամերիկացի պաշտոնյաների։
ԱՄՆ իշխանությունները դադարեցրել են ներգաղթի ծրագրերով ավելի վաղ այնտեղ ժամանած ուկրաինացիների և լատինաամերիկյան երկրների ներկայացուցիչների ներգաղթի դիմումների քննարկումը։
Այդ ծրագրերից մեկը՝ «Միասնություն Ուկրաինայի համար», Թրամփի կողմից նույնպես դադարեցվել էր հունվարի վերջին։ Այս ծրագրի շրջանակում շուրջ 240 հազար ուկրաինացիներ կարողացել են մուտք գործել ԱՄՆ։ Այդ մասին է վկայում Միացյալ Նահանգների քաղաքացիության և ներգաղթի ծառայության (USCIS)՝ փետրվարի 14-ի հուշագիրը։
Խոսքը USCIS-ի ներքին հրահանգի մասին է, որով ծառայության բարձրաստիճան պաշտոնյա Էնդրյու Դևիդսոնը հայտարարել է «վարչական դադար այն մարդկանց նկատմամբ, որոնք սպասում են ներգաղթային սոցվճարների դիմումների պատասխանին»։ Դրանք այն ներգաղթյալներն են, որոնց արդեն ծրագրով թույլատրել են մուտք գործել ԱՄՆ։
Թարգմանությունը՝ Տաթև Ֆռանգյանի
