10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
ԵՄ-ն Ուկրաինայի համար 6 միլիարդ եվրոյի ռազմական օգնության փաթեթ է պատրաստում
Քաղաքականություն
19.02.2025 | 14:20
Եվրամիության երկրներն Ուկրաինայի համար առնվազն վեց միլիարդ եվրո արժողությամբ ռազմական օգնության փաթեթ են պատրաստում՝ ԱՄՆ-ի և Ռուսաստանի միջև բանակցություններից առաջ Կիևի ռազմավարական դիրքերն ամրապնդելու համար։ Այս մասին հայտնում է Politico-ն՝ վկայակոչելով երեք եվրոպացի դիվանագետների, փոխանցում է Current time-ը։
Սա լինելու է ԵՄ-ի կողմից Ուկրաինային տրամադրված ամենամեծ փոխանցումներից մեկը Ռուսաստանի լայնածավալ ներխուժման սկզբից ի վեր։ Սպասվում է, որ այդ մասին պաշտոնապես կհայտարարվի մինչև փետրվարի 24-ը՝ եվրահանձնակատարների նախանշվող այցը Կիև։
Լրատվամիջոցի զրուցակիցները պնդում են, որ օգնության նոր փաթեթը ներառելու է 1,5 մլն հրետանային արկեր, ՀՕՊ համակարգեր և այլ զինատեսակներ։ Երկու դիվանագետներ հայտնել են, որ վեց միլիարդ եվրոն ընդամենը նախնական գումար է, որը կարող է աճել մինչև 10 միլիարդ եվրոյի կամ ավելիի։
Լրատվամիջոցի աղբյուրները նշել է, որ ռազմական օգնության լայնածավալ փաթեթը կարող է փաստարկ հանդիսանալ, որ ԵՄ-ն միանա Ուկրաինայի դեմ Ռուսաստանի պատերազմին ավարտելու բանակցություններին։
Թարգմանությունը՝ Էմմա Չոբանյանի
