05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Ռուսական կողմը «Շահեդ»-ներով հարվածել է Օդեսային․ քաղաքի հարյուրավոր բազմահարկ շենքեր մնացել են առանց էլեկտրականության և ջեռուցման
Քաղաքականություն
19.02.2025 | 12:34
Փետրվարի լույս 19-ի գիշերը ռուսական կողմը «Շահեդ»-ներով հարվածել է Օդեսային։ Քաղաքում բազմաթիվ պայթյուններ են լսվել, սոցցանցերում հաղորդվում է հրդեհների մասին, փոխանցում է Current Time-ը։
Քաղաքապետ Գենադի Տրուխանովը հայտնել է, որ ռուսական զորքերը զանգվածային հարձակում են սկսել Օդեսայի խիտ բնակեցված տարածքի ուղղությամբ։ Արդյունքում, նրա տվյալներով, 14 դպրոց և 13 մանկապարտեզ մնացել է առանց էլեկտրականության և ջեռուցման։ Բացի այդ, ջեռուցումն ու էլեկտրամատակարարումն անջատվել են բնակելի թաղամասերում՝ ավելի քան 500 բազմահարկ շենքերում, հայտնել է քաղաքապետը։
Տրուխանովը մանրամասնել է, որ մանկական կլինիկան և մանկապարտեզներից մեկը զգալի վնասվել են։
Օդեսայի քաղաքապետի խոսքով՝ հարվածի հետևանքով մեկ մարդ է վիրավորվել, նա հոսպիտալացվել է։
Թարգմանությունը՝ Տաթև Ֆռանգյանի
