08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ՉԼ փլեյ-օֆֆի արգելքը հաղթահարել են «Բավարիա»-ն, «Ֆեյենորդ»-ը, «Բրյուգե»-ն և «Բենֆիկա»-ն
19.02.2025 | 10:20
Ֆուտբոլի Չեմպիոնների լիգայում փլեյ-օֆֆի արգելքը հաղթահարել են գերմանական «Բավարիա»-ն, բելգիական «Բրյուգե»-ն, հոլանդական «Ֆեյենորդ»-ը և պորտուգալական «Բենֆիկա»-ն:
«Արմենպրես»-ի հաղորդմամբ` ՉԼ փլեյ-օֆֆի պատասխան խաղերի շրջանակներում «Բավարիա»-ն, ընդունելով «Սելթիկ»-ին, հանդիպումն ավարտեց ոչ-ոքի` 1:1 հաշվով: Առաջին խաղում տարած հաղթանակի շնորհիվ «Բավարիա»-ն անցավ հաջորդ փուլ։
«Բրյուգե»-ն հյուրընկալվելիս 1:3 (ընդհանուր 2-5) հաշվով առավելության հասավ «Ատալանտա»-ի նկատմամբ:
«Բենֆիկա»-«Մոնակո» խաղն ավարտվեց ոչ-ոքի` 3:3 («Բենֆիկա»-ն հաղթեց ընդհանուր 4-3 հաշվով):
Իսկ «Ֆեյենորդ»-ը ոչ-ոքի ավարտեց հանդիպումը «Միլան»-ի հետ («Ֆեյենորդ»-ը հաղթեց ընդհանուր 2-1 հաշվով):
ՉԼ փլեյ-օֆֆի մի քանի հանդիպումներ` «Բորուսիա Դորտմունդ -«Սպորտինգ», ՊՍԺ – «Բրեստ», «Ռեալ Մադրիդ» – «Մանչեսթեր Սիթի» և «ՊՍՎ Էյնդհովեն» – «Յուվենթուս», կկայանան փետրվարի 19-ին:
