30.04.2026 | 11:17
Թրամփը սպառնում է կրճատել ամերիկյան զորքերի թիվը Գերմանիային
ՀՀ-ում Դոմինիկանայի Հանրապետության դեսպանը իր հավատարմագրերն է հանձնել նախագահ Խաչատուրյանին
Քաղաքականություն
18.02.2025 | 20:20
Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Դոմինիկանայի Հանրապետության արտակարգ և լիազոր դեսպան Ալեխանդրո Արիաս Սարսուելան: Այս մասին տեղեկացնում են նախագահի աշխատակազմից։
«Նախագահը շնորհավորել է դեսպանին նշանակվելու առթիվ և մաղթել հաջողություններ դիվանագիտական ծառայության ընթացքում:
Դեսպանը շնորհակալություն է հայտնել ընդունելության և հյուրընկալության համար և վստահեցրել է, որ կներդնի առավելագույն ջանքեր երկու երկրների միջև հարաբերություններն առավել ամրապնդելու և երկկողմ օրակարգն ընդլայնելու ուղղությամբ:
Հանդիպման ընթացքում քննարկվել են երկու երկրների միջև հարաբերությունների և համատեղ հետաքրքրություն ներկայացնող ոլորտներում փոխգործակցության խթանման հնարավորությունների վերաբերյալ հարցեր: Այս համատեքստում շեշտվել է քաղաքական երկխոսության, փոխադարձ այցելությունների և խորհրդարանական դիվանագիտության ակտիվացման կարևորությունը:
Զրույցի ընթացքում կողմերն ընդգծել են մեր տարածաշրջանում կայուն և հարատև խաղաղության հաստատման անհրաժեշտությունը և այս ուղղությամբ հնարավոր ջանքերի ներդրման նշանակությունը»,- ասված է հաղորդագրությունում:
