08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Լավրովը խոսել է ամերիկյան կողմի հետ բանակցություններից հետո երեք պայմանավորվածության մասին
Քաղաքականություն
18.02.2025 | 18:52
Ռուսական պատվիրակությունը համաձայն է ԱՄՆ պետքարտուղար Մարկո Ռուբիոյի հետ, որ երկրների համար կարևոր է «առաջնորդվել իրենց ազգային շահերով»։ Կարևոր է «կարգավորել այդ հարաբերությունները», եթե պետությունների շահերը չեն համընկնում, և «չհրահրել» ռազմական էսկալացիա։ Այս մասին հայտարարել է ՌԴ ԱԳ նախարար Սերգեյ Լավրովը՝ ամփոփելով Սաուդյան Արաբիայի մայրաքաղաքում ԱՄՆ-ի և Ռուսաստանի պատվիրակությունների բանակցությունների արդյունքները, փոխանցում է BBC-ի ռուսական ծառայությունը։
«Կարծում եմ՝ զրույցը շատ օգտակար էր։ Մենք ոչ միայն ուղղակի լսում էինք, այլև լսում էինք միմյանց։ Ամերիկյան կողմը սկսել է ավելի լավ է հասկանալ մեր դիրքորոշումը»,- ասել է նա։
ՌԴ ԱԳՆ ղեկավարն առաջին խնդիրն անվանել է երկու երկրների դեսպանների հնարավորինս շուտ հավանության ապահովումը։ Նա նաև կոչ է արել «վերացնել այն պատնեշները», որոնք, նրա խոսքով, Բայդենի վարչակազմը դրել է դիվանագիտական գործունեության վրա՝ «լրջորեն խոչընդոտելով» Ռուսաստանի և ԱՄՆ դեսպանությունների աշխատանքին։
Լավրովն ասել է, որ երկրորդ խնդիրն «ուկրաինական ուղղությունն» է։ Ամերիկյան կողմը կհայտարարի, թե ով է ներկայացնելու Վաշինգտոնն այդ ուղղությամբ։ Նա ասել է, որ երբ պատվիրակի անունն իմանան, իրենց ներկայացուցչին կնշանակեն։
Ըստ Լավրովի՝ երրորդ համաձայնությունն է՝ պայմաններ ստեղծել «Ուկրաինայում ճգնաժամի լուծմանը զուգընթաց» ՌԴ-ի և ԱՄՆ-ի համագործակցությունը «ամբողջությամբ» վերսկսելու համար, այդ թվում՝ աշխարհի տարբեր մասերում «աշխարհաքաղաքական խնդիրների» շուրջ։
Թարգմանությունը՝ Էմմա Չոբանյանի
