20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Ադրբեջանի և Վրաստանի միջև երկաթուղային ուղևորափոխադրումները կվերսկսվեն մայիսի 1-ից
Քաղաքականություն
18.02.2025 | 22:14
Վրաստան կատարած այցի ընթացքում Ադրբեջանի թվային զարգացման և տրանսպորտի նախարար Ռաշադ Նաբիևը հանդիպել է այդ երկրի առաջին փոխվարչապետ, էկոնոմիկայի և կայուն զարգացման նախարար Լևան Դավիթաշվիլիի հետ, գրում են ադրբեջանական լրատվամիջոցները։
Նշվում է, որ հանդիպման ընթացքում կողմերը քննարկել են տրանսպորտի ոլորտում Վրաստանի և Ադրբեջանի համագործակցության հարցեր, հիմնական ուղղություններն ու ապագա առաջնահերթությունները, ինչպես նաև ընթացիկ նախագծերը։ Ուշադրություն է դարձվել Միջին միջանցքի դերի բարձրացմանը և կողմերի ակտիվ մասնակցությամբ իրականացվող միջոցառումներին՝ նրա մրցունակությունը բարձրացնելու և լրացուցիչ բեռներ ներգրավելու ուղղությամբ։
Կողմերը քննարկել են նաև Վրաստանի և Ադրբեջանի միջև երկաթուղային ուղևորափոխադրումների բացման հարցը, որը կսկսվի այս տարվա մայիսի 1-ից։
Թարգմանությունը՝ Էմմա Չոբանյանի
