08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Ադրբեջանի վարչապետը Իրանի նախագահի հետ քննարկել է տրանսպորտի, էներգետիկայի և նավթագազային ոլորտներում նախագծերի իրականացման հարցեր
Քաղաքականություն
18.02.2025 | 21:31
Ադրբեջանի վարչապետ Ալի Ասադովը Թեհրան կատարած աշխատանքային այցի շրջանակում հանդիպել է Իրանի նախագահ Մասուդ Փեզեշքիանի հետ։ Ադրբեջանական կողմի փոխանցմամբ՝ հանդիպմանը մտքեր են փոխանակվել «բարեկամության և բարիդրացիության սկզբունքների հիման վրա ադրբեջանա-իրանական հարաբերությունների զարգացման՝ նոր բովանդակությամբ փոխշահավետ համագործակցությունը հարստացնելու շուրջ»։
Քննարկվել են տրանսպորտի, էներգետիկայի և նավթագազային ոլորտներում Ադրբեջանի և Իրանի միջև նախագծերի իրականացման հետ կապված հարցեր։
Կողմերը նաև նշել են Կասպյան 3-րդ տնտեսական համաժողովի կարևորությունը։ Ընդգծվել է, որ Ադրբեջանը Կասպից ծովը դիտարկում է որպես խաղաղության, բարեկամության և համագործակցության ծով։
Ավելի վաղ Ասադովը բանակցություններ էր անցկացրել Իրանի փոխնախագահի հետ։
Թարգմանությունը՝ Էմմա Չոբանյանի
